Törkiyä İlbaşı Tunisnıñ qayğıların urtaqlaşqan

Törkiyä İlbaşı Räcäp Tayyip Ärdoğan, Tunis Däwlät başlığı Baçı Kaid Äl Sibsigä telefonnan şaltıratıp, 18nçe martta küp sanda ğayepsez keşelärneñ häläq buluına säbäp bulğan terror höcüme arqasında qayğıların urtaqlaşuın belderde.

Ärdoğan Tunis Däwlät başlığına Bardu muzeyında tınıçlıqnı, keşelek dönyasın häm qärdäş-tuğanlıqnı maqsat itep alğan höcümne kisken räweştä ğayepläwen belderep, ülgän ğayepsez keşelärneñ ğailälärenä häm qärdäş Tunis xalqınıñ qayğısın urtaqlaştı, yaralanuçılarğa şifa teläde.

Äl Sibsi dä, Törkiyä İlbaşı Ärdoğanğa räxmätlären belderep, demokratiyäläşü mäs'äläsendä Törkiyäneñ täcribäsenä zur ähämiyät birülären assızıqladı.