Ukrainağa Xalıqara Valyuta Fondınnan yärdäm

Ukrainadağı Üzäk bank Xalıqara Valyuta fondı aldağı könne raslağan 17 milliard yarım dollarlık yärdämneñ berençe öleşe bulğan 5 milliard dollarnı alğan.

Bank 5 milliard dollarlık kreditnıñ xisaplarına küçüen beldergän.

Fondtan kilgän älege kreditnıñ Ukrainanıñ ixtıyacı bulğan 40 milliard dollar finanslawnı tä’min itüdä bulışaçağı kötelä.

Ukraina burıçlarnıñ qabat şäkelländerelüe öçen kredit birüçelär belän söyläşülärne başlataçaq.

Xalıqara Valyuta fondı başlığı Christine Lagarde ğamälgä kerteläçäk 4 yıllıq programmanıñ Ukrainanıñ iqtisadi wazğiyäten totrıqlılıqqa qawıştıraçağın belderä.

Kiñ qırlı reformalar yärdämendä iqtisadi canlanunıñ tä’min iteläçägen citkergän Lagarde monıñ Ukraina xalqınıñ tormış şartların yaxşırtaçağın assızıqlağan.

Lagarde programmanıñ risklı buluın, läkin uñışqa ireşüe öçen citärle ömetneñ buluına da basım yasağan.