Angliyada İslamğa qarşı protest

Möselmannar häm İslamnıň cäyelüenä qarşı çıqqan artıq uňçı İngliz saqlanu ligası isemle törkem ilneň Könbatış Midlands töbägendä urnaşqan Dudley şähärendä çara oyıştırğan.

Läkin rizasızlıq belderüçelärneň sanı kötelgännän tübän, yägni 600 tiräse bulğan. Protestçılar näfrätle şiğarlär äytkän.

Dudleyda tözelüe planlanğan mäçetne protest itkän törkem politsiya beläň bäreleşkän. 30 keşe qulğa alınğan.

Bu waqıtta üzäge Londonda urnaşqan “Faşizmğa qarşı berläş” isemle törkem dä şul uq şähärdä İngliz saqlanu ligasınıň cıyınına rizasızlıq belderep, çara ütkärgän.

Çarada liganıň Dudley şähärendäge rasizm häm separatizmnı köçäytep cibärüe assızıqlanğan.