Ğiraqta soñğı wäzğiyät

Ğiraq Dimäşq İslam däwläte terror oyışmasınıñ Ğiraqnıñ Musul qalasındağı höcümnärennän soñ Tönyaq neft şirkäte eşçänlek başqarğan töbäklärdä yağulıq krizisı tağın da tiränäyä bara.

Ğiraq Körd regional citäkçelege premyer-ministrı Näçirvan Barzani älege problemanı çişü öçen küp sanlı qararlar qabul itelüen belderde.

Benzin stantsiyälärendä ozın çiratlar buldırmaw öçen dä törle çaralar kürelüen citkerde.

Ğiraq premyer-ministrı Nuri äl-Maliki qaynar töbäklärdä Ğiraq Dimäşq İslam däwläte oyışmasına qarşı suğışaçaq üzixtiyarilarğa aylıq 644 dollar, bäreleşlär bulmağan töbäklärdä wazifa başqaruçılarğa aylıq 450 dollar tülänäçägen citkerde.

Awrupa Berlege komissiyäse yöz meñnärçä keşeneñ yäşägän cirlärennän küçep kitüen küzdä totıp, Ğiraqqa humanitar yärdämen 5 million yevroğa arttırıp, 12 million yevroğa citkerü qararına kilde.