Blinken çığışı waqıtında protestqa duçar buldı

AQŞ däwlät särqatibe Êntoni Blinken Senatta çığış yasağan waqıtta protest itelde. Ul söyli başlawğa zaldağı ber qatnaşuçı Fälästin bayrağın totıp bastı häm “İzraillelär ütergän Hind Räcäp 6 yäşendä ide. Blinken, sin Ğazzäne turawçı bularaq iskä alınaçaqsıñ. Sin ber ğayepsez fälästinlelärne üterüçe bulıp qalaçaqsıñ”-dip qıçqırdı. Anı poliśiyä mäcbüri räweştä zaldan çığarğan arada tağın ber protestçı “Blinken suğış cinayät’çese” şiğaren qıçqırdı.

AQŞ däwlät särqatibe 3 ayırım protest çarası waqıtında kötep tordı häm soñınnan çığışın däwam itte.

İsegezgä töşeräbez, İzrail fevral’ ayında Ğazzädä ber maşinağa höcüm itkännän soñ anıñ êçendä qalğan 6 yäşendäge Hind Räcäb telefonnan şaltıratqan Fälästin “Qızılay”ı wäqalätlelärenä: “Barısı da ülde, mine kilep alığız, monda yalğız qalırğa telämim. Qurqam, zinhar, mine alu öçen berärsen cibäregez”-dip 3 säğat’ buyı yalwardı. Tik anı qotqara almadılar. Ul İzrail höcümendä hälaq buldı.

12 könnän soñ, İzrail köçläre çigengäç, älege maşina tabıla. Anda Hind Räcäb, äniseneñ abıysı, anıñ xatını häm 3 balasınıñ üle gäwdäläre bula.