Belem ofığı 38

Uzğan atnada Törekmänstannan xat yazğan ber uquçı yuğarı belenme tınıç häm xozurlı şähärdä alırğa teläwen citkerde häm bezdän kiňäş soradı.

Bez isä şul isäptän rozaları häm külläre belän tanılğan Isparta şähären tanıtırğa telädek.

Ispartanıň uňışlı yuğarı uqu yortı Söläyman Dämiräl Universitetı turında aňlatqançı başta bu güzäl şähär turında mäğlümat birep uziq.

Isparta Ägäy häm Urta diňgez töbäkläre kiseşkän urında urnaşqanı öçen monda möhim üzäklärgä uňay häm ciňel räweştä barıp bula. Isparta Könbatış Urta diňgezdä Küllär töbägeneň üzäge bulıp tora. Törkiyäneň, xätta dönyanıň da roza baqçası dip yörtelüçe şähäreder. Monıň belän ber rättän Isparta belem häm sälamätlek saqlaw kebek möhim xezmätlär sıyfatlı räweştä kürsätelgän Törkiyäneň aldınğı vilayätlärennän berse bulıp tora. Ayıruça, artıq esse häm salqın bulmağan cılı klimatı häm tabiğıy güzällekläre belän dä üzenä cälep itep tora.

Xäzer isä Söläyman Dämiräl Universitetın aňlatiq. Rektorıbız Prof. Dr. Xäsän İbicioğluna bezne qunaq itkännäre öçen räxmätebezne belderäbez häm Söläyman Dämiräl Universitetınıň üzençälekläre belän qızıqsınabız:

“Yäş däwlät universitetı bulğan yuğarı uqu yortıbız qorılğan 1992nçe yıldan bügenge köngä qadär initsiator, mäğlümatqa ireşä häm anı qullana aluçı, citeşterüçe, üsterüçe häm cäyelderüçe, bäysez eşçänlek wäqaläte bulğan, läkin törkem eşçänlegendä dä uňışlı bula aluçı şäxeslär citeşterüçe universitettır.

Bügenge belem çorında mäğlümat ütkängä kürä tağın da qimmätle. Citeşterüneň arttırıluı öçen barlıq mömkinleklär uňdırışlı räweştä qullanıla başlağan çorda yäşibez. Bu üzgäreş belän paralel bularaq belem häm texnologiyalärne citeşterüçe häm initsiator universitetlarda da belem alu-uqıtu häm tikşerenü barışlarında nıqlı üzgäreşlärgä yünälü mäcbürilege başladı. Bu barışta Söläyman Dämiräl Universitetı bu maqsatqa zur ülçämdä öleş kertä.”

“Söläyman Dämiräl Universitetı 10 meň m2 lık cir mäydanında urın ala. Şähärçek könçığış häm könbatış bularaq ikegä bülengän. Şähärçegebez barlıq fakultetlarnı, laboratoriya, atelye, kompyuter üzäklären, kitapxanälär, mädäniyät üzäkläre häm qalğan sotsial’ häm sportiv qorılmalarnı üz eçenä alaçaq räweştä proyektlandırılğan. Şähärçektä tözelep betkän bina häm qorılmalar bulsın, vilayät häm ilçälärdäge däwlät oyışmalarınnan häm şäxsi tarmaqtan alınğan bina häm qorılmalar bulsın keşe başına turı kilüçe yabulı mäydanı ülçäme Törkiyä külämendä urtanıň östendä.

Söläyman Dämiräl Universitetı 18 fakultetı, 3 yuğarı belem mäktäbe, 20 hönär mäktäbe, 6 institutı, 45 tikşerenü üzäge, 70 tiräse uquçı klupları, 900dän artıq ölkädä belgeç häm uqıtuçı-ğalim kardı, 1500dän artıq idari personalı belän ilebezneň saylanğan yuğarı uqu yortlarınnan berse bulıp tora. Vilayät häm ilçä üzäklärebezdäge uquçı yäşlär sanı 70 meňgä citte. Bu mägnädä universitetıbız Ispartanı “Universitet şähäre”nä äyşänderde.”

Hiçşiksez, Söläyman Dämiräl Universitetı turında aňlataçaq närsälär bik küp, xörmätle rektor äfändegä dä biräse sorawlarıbız bar. Uqu yortındağı sotsial mömkinleklär, çit ildän kilgän uquçı yäşlärneň belem aluı h.b kiläse yazmada urın birerbez.