Belem ofığı 28

Facebooktağı TRT Horizon säxifäsenä sezdän kilgän xatlarnı uqıdıq. Alarnıñ berniçäsendä Törkiyadäge däwlät universitetların güzäl tanıtuıbız yazılğan, şäxsi yuğarı uqu yortları, yägni waqıf universitetları belän qızıqsınuçılar äz tügel. Bügenge tapşıruıbızda monnan alda säfär yasağan cılı şähärdäge şäxsi universitetlardan bersenä barırbız.

Törkiyäneñ Gaziantep şähärendä urnaşqan Hasan Kalyoncu Universitetı rektorı Prof. Dr. Tamer Yılmaz belän küreştek. Rektor äfändedän Gaziantep şähärendä yäşäw häm Hasan Kalyoncu universitetında wazifa başqarunıñ ayırmalığı turında sorıybız:

“Min üzem İstanbulda tuıp, üstem. Ber yıl tiräse Hasan Kalyoncu Universitetı rektorı wazifasın başqaram. İstanbul – tanılğan şähär. Annan başqa şähärdä yäşi almam dip uylıy idem, läkin ber yıl elek monda küçep kildem häm Gazianteptän bik qanäğatmen. Gaziantep – citdi tarixi ütkäne bulğan urın. 10 000 – 15 000 yıllıq ütkängä barıp totaşuçı tarixıbız bar. şul uq waqıtta, mädäniyät şähäre ul. Gastronomiya turizmınıñ da başqalası dip äytä alabız. Dönyada şähär iseme belän telgä alınuçı aş-sular Gaziantepkä genä xas. Qalğannarı isä frantsuz, italiyan aş-suları bularaq belenä, läkin Gaziantep aş-suları alardan ayırılıp tora. Bu arqada bik möhim mädäniyät turizmı başqalası bulıp tora ul. Gaziantep – Törkiyäneñ iñ zur 5nçe sänägät şähäreder. Eksportta alda bara. Bu – bik ähämiyätle potentsial. Monda uquçı yäşlär ezlägän uqu yortı potentsialları bar. xäzerge waqıtta Gaziantep şähärendä 4nçe yuğarı uqu yortıbız qorıldı.

Hasan Kalyoncu Universitetı töbäktäge berençe şäxsi uqu yortı, läkin bügenge köndä öçençe şäxsi universitetı da üz işeklären açtı. Yägni mädäniyät häm turizmnıñ başqalası idek, xäzer isä ğilem başqalası bulu yulında üseş alabız. Sport başqalaso bulu belän bäyle möhim adımnarıbız da bar. şaqtıy turnir häm matçlar monda uza başladı. Gaziantep şähäre barlıq uquçı yäşlärgä üz işegen aça. Monda könyaq klimatı xökem sörä, qoyaş başqaça balqıy. Gaziantep universitet şähäre bulır öçen kandidat ide, moña ireşte dä.”

Hasan Kalyoncu universitetın gizgän waqıtta bez zamança binalarnı kürdek. Rektorıbızdan da şaqqatuıbıznı yäşerä almadıq. Süzne tağın Tamer äfändegä biräbez:

“500 meñ m2 lık mäydanda qorılğan yaña häm zamança arxitekturabız bar. Bu mäs’älädä alğarış tä’min ittek, Törkiyädä berençe öçlektä urın aluıbızğa ışanam. Arxitektorıbız da bik tanılğan – Zeki Şerifulı. Universitet şähärçegen bik matur planlıy. Belem birü binaları, laboratoriya häm qalğan sotsial’ bianalarıbıznı berböten itärgä tırışabız. İskitkeç şahärçektä urın aluıbıznı uylıym. Monda berençe tapqır kilüçelär bik şaqqata. Bälki dä, yaña uqu yortı buluıbıznı belmilär. Hasan Kalyoncu Universitetı 6 yıl elek açıldı, läkin monda kilgäç yözyıllıq uqu yortındağı mömkinleklärne taba alasız. İkençedän, uqıtuçı-ğalimnärebez dä bik täcribäle.

Uquçı yäşlärebez monda härtörle mömkinlekne taba ala. Gaziantep şähäre berbötender. Hasan kalyoncu Universitetı da kertkän investitsiya yärdämendä uquçılar sorağan härtörle mömkinlekne tä’min itte.”

Rektor äfändedän tulay toraq mäs’äläse häm sotial’ mömkinleklär belän qızıqsınabız:

“Tulay toraq mäs’äläsendä problema yuq. Universitet şähärçegendä zamança häm 3 yoldızlı qunaqxanä kebek tulay toraqlarıbız bar. Uquçı yäşlärneñ barısı da monda yäşi ala.
Sotsial’ tormış ta bik möhim. Yuğarı uqu yortlarınıñ 3 töp wazifası bar: belem birü, ar-ge eşçänleklären oyıştıru häm sotsial’ cawaplılıq eşçänleklären ütkärü. Uquçı yäşlärebez öçen monda kitapxanälär, sport belän şöğillänü qorılmaları, kafeteriy h.b. bar.”

Hasan Kalyoncu Universitetı rektorı Prof. Dr. Tamer Yılmaz soñğı itep çit il uquçı yäşlärenä möräcäğat itärgä teläde:

“Berençedän, Gaziantep – bik matur şähär. İkençedän, bik möhim belem ekosisteması monda barlıqqa kilä başladı. Syfatlı belem alu şansı da bik yuğarı. Täcribäle uqıtuçı-ğalimnärebez bik küp. Bez Gaziantep bularaq milli häm xalıqara mägnädä yarış eçendä. Çit ildän kilgän uquçı yäşlärgä cirle studentlarıbızğa qarağanda tağın da zur forsatlar täqdim itäbez. Xäzerge waqıtta 28 ildän kilgän120 uquçıbız bar. Maqsat – meñ uquçığa belem birü. Mondağı studentlar bik şat, kiläçäklärneñ tağın da şat bulaçaqlarına ışanam.”