د تورکیې د بهرنیو چارو وزیر د افغانستان سرپرست بهرنیو چارو وزیر امیرخان متقي‌ سره ولیدل

د تورکیې د بهرنیو چارو وزیر هاکان فیدان د افغانستان د موقت حکومت د بهرنیو چارو سرپرست وزیر امیر خان متقي سره ولیدل.

د تورکیې د بهرنیو چارو وزارت د معلوماتو له مخې،  د بهرنیو چارو وزیر فیدان پرون له غرمې وروسته په پلازمینه انقره کې د افغانستان د موقت حکومت د بهرنیو چارو سرپرست وزیر امیرخان متقي‌ سره لیدنه وکړه.

پدې لیدنه کې په دوه اړخیزو اړیکو او موجودو همکاریو د لا پراختیا په اړه خبرې وشوې.

همداشان د بهرنیو چارو وزیر هاکان فیدان پرون د ځینو اروپايي هیوادونو نه راغلو د پارلمان د چارواکیو سره هم لیدنه وکړه.

هاکان فیدان تیره ورځ د استونیا د پارلمان د بهرنیو اړیکو د کمیسیون رئیس مارکو میخکلسن ، د لیتونیا د پارلمان د بهرنیو اړیکو د کمیسیون رئيس ریخاردس کولس او لیتوانیا د پارلمان د بهرنیو اړیکو د کمیسیون رئیس زیګیمانتاس پاولیونیس سره ولیدل.

د بله پلوه د بهرنیو چارو وزیر هاکان فیدان تیره ورځ د مالیزیا د بهرنیو چارو وزیر زامبري عبدالقدیر سره د ټیلیفون په کرښه خبرې وکړې.

پدې ټیلیفوني‌ خبرو کې د دوه اړخیزو اړیکو سربیره پر غزې د اسرائیلو لخوا د روانو وحشیانه بریدونو او فلسطین  د مسئلې په اړه  خبرې وکړې.