د تورکیې جمهوریت د سلمې کلیزې په مناسبت د مبارکۍ پيغامونه

د تورکیې د لویې ملي شورا  مشر نعمان کورتولموش د اکتوبر د ۲۹ د تورکیې جمهوریت د سلمې کلیزې په مناسبت د مبارکۍ پيغام  خپور کړ.

هغه په ​​خپل پیغام کې وویل، موږ په هغه قوت سره کار ته دوام ورکوو چې زموږ له سل کلن جمهوریت څخه مو ترلاسه کړی دی. کورتولموش وویل:

"موږ په دې هڅه کې یو چې د یوې بشپړې خپلواکې تورکیې د جوړولو او د معاصر معدنیت کچه  ته د رسولو په خاطر  د تورکیې د پیړۍ په قوي الفاظو او اغیزمن ځواک سره د خپل ګران ملت د باور او هڅو سره  دا شوني‌ کړو. "د تورکیې د جمهوریت په توګه، مونږ په هر ډګر کې لوی پرمختګ کړی دی. همداشان د هیواد د لا پرمختګ او ودې لپاره به خپلې مبارزې او مجادلې ته دوام ورکړو."

د ولسمشر مرستیال جودت یلماز هم د هیواد د جمهوریت د سلمې کلیزې په مناسبت د مبارکۍ پيغام خپور کړی دی. هغه په خپل پیغام کې ویلي‌ دي‌ چې ،

"موږ د تورکیې پیړۍ ته د هغه الهام سره ننوځو چې موږ د خپلو شهیدانو او پخوانیو اتلو سرتیرو څخه ترلاسه کړی چې زموږ جمهوریت یې موږ ته په امانت کې پریښې دی. د تورکیې په پیړۍ کې به موږ د خپلو نیکونو امانت دا هیواد  د مخکښو هیوادونو په کتار کې د شاملولو لپاره به کار کولو ته دوام ورکړو.

د تورکیې د  بهرنیو چارو وزیر هاکان فیدان هم د تورکیې جمهوریت د سلمې کلیزې په مناسبت د مبارکۍ پیغام خپور کړی دی. هغه په خپور کړي‌ پیغام کې ویلي‌ دي‌ چې

"تورکیه چې د سولې، عقلانیت، انصاف او اعتماد سمبول دی، زموږ د ملي بهرنۍ پالیسۍ سره چې زموږ د هیواد له فرصتونو او وړتیاوو څخه خپل ځواک ترلاسه کوي، موږ به د یوې عادلانه نړۍ لپاره زړور او پریکنده ګامونه پورته کولو ته دوام ورکړو."

د هیواد د ملي دفاع وزیر یاشر ګولر هم په خپل پیغام کې ویلي:

"زموږ کار د تورکیې د پیړۍ د اهدافو سره سم په هوډ او هڅو سره دوام لري."

ګولر ټینګار وکړ چې د ملي‌ دفاع وزارت په توګه، دوی د تیرې پیړۍ ترټولو پراخ او جدي فعالیتونه د هیواد د امنیت د تامین او جمهوریت د ابدي کولو لپاره ترسره کړي دي.

د ولسمشرۍ ماڼۍ د عامه اړیکو  رئیس فخرالدين التون په خپل پيغام کې ويلي دي چې دوى د تورکیې جمهوریت  د سلمې کليزې له امله د وياړ او خوښۍ احساس کوي چې د نړۍ په تاريخ کې د يوې بې سارې مبارزې او بې ساري استقامت له امله رامنځته شوى دى.

د بهرنۍ تګلارې او امنیت په چارو کې د ولسمشر ستر سلاکار سفیر عاکف چاغتای کلیچ د تورکیې د جمهوریت سلمه کلیزه ولمانځله او ویې ویل، موږ به د تورکیې په پیړۍ کې خپل بیرغ لوړ اوچت کړو.

"موږ به د محلي او ملي ټیکنالوژۍ حرکتونو سره خپل جمهوریت د ۲۰۵۳ او ۲۰۷۱ کال اهدافو او  لید سره سم کار کولو ته دوام ورکړو."