کورنیو چارو وزیر: په استانبول کې د ناقانونه کډوالو د تثبیت ګرځنده مرکزونه جوړ شوي
د تورکیې د کورنیو چارو وزیر علي یرلیکایا وویل چې دوی په استانبول کې د غیرقانوني مهاجرینو تثبیت په اړه په استانبول کې ګرځنده نقطې جوړې کړي دي.
د تورکیې د کورنیو چارو وزیر علي یرلیکایا وویل چې دوی په استانبول کې د غیرقانوني مهاجرینو تثبیت په اړه په استانبول کې ګرځنده نقطې جوړې کړي دي.
د کورنیو چارو وزیر علي یرلیکایا وویل چې اوسمهال په تورکیه کې ۴ میلیونه ۸۴۳ زره ۵۹۴ تنه نورمال کډوال شتون لري چې ددوې له جمع څخه « یو میلیون ۲۴۳ زره ۴۲۳ تنه یې هغه بهرنیان دي چې د اوسیدو قانوني اجازې په ترلاسه کولو سره زموږ په هیواد کې په قانوني توګه ژوند کوي او د دې سربیره ۲۹۲ زره ۲۸۹ تنه بهرنیان د نړیوال محافظت لاندې ژوند کوي. همداشان ددې ترڅنګ زموږ په هیواد کې ۳ میلیون ۳۰۷ زره ۸۸۲ تنه سوري کډوال د لنډمهاله محافظت لاندې ژوند کوي .
ددې سربیره په لسګونو زره تنه غیرې قانوني کډوال چې د قاچاقي لارو څخه تورکیې ته راغلي دي او یا په ویزه راغلي دي خو د ویزې وخت يي ختم شوی دی او اوس په ناقانونه توګه ژوند کوي.
وزیر یرلیکایا وویل: "موږ استانبول یوه ازمایښتي سیمه جوړه کړه، موږ د مهاجرت ګرځنده نقطې جوړې کړې. موږ وموندله چې ۲۱ زره هغه بهرنیان چې د یوې میاشتې په موده کې د مهاجرت په نقطو کې پوښتل شوي دي د پاتې کیدو قانوني حق نلري. دوی ناقانونه کډوال دي. موږ د خپلو واحدونو سره دا کسان د ډیپورت مرکز ته انتقال کړي او هر څه يي ډیپورت شوي او د پاتو د ډیپورت چارې دوام لري.
هغه وویل چې په ټول هیواد کې به د ناقانونه کډوالۍ پر خلاف مبارزې ته د خپل ټول شدت سره دوام ورکړو. اوسمهال استانبول کې ازمایښتې پروژه پرمخ وړ کیږي او دا به په کلاره کلاره نورو ولایتونو ته هم وغځول شي.
