تورکیې د اق قویو اټومي انرژۍ بټۍ نن په رسمي توګه د اټومي تاسیساتو حیثیت ترلاسه کړ

د تورکیې د  انرژۍ او طبیعي زیرمو وزیر فاتح دونمز وویل چې د لومړي تازه اټومي تیلو په رارسیدو سره ، د اق قویو اټومي انرژۍ بټۍ د "اټومي تاسیساتو" حیثیت ترلاسه کړ.

وزیر ډونمز د اق قویو د لومړي اټومي تیلو تحویلي په  مراسمو کې ، چې  ولسمشر رجب طیب اردوغان او د روسیې ولسمشر ولادیمیر پوتین د ویډیو کنفرانس له لارې برخه اخیستې وه وینا وکړه.

هغه د دې خبرې په ټینګار سره وویل  چې د اق قویو اټومي انرژۍ بټۍ  اوږد او پلان شوي مزل  پایله ده.

"زموږ د ولسمشر د قوي  رهبرۍ او هوډ په برکت  مونږ د اق قویو اټومي بټۍ په خاطر لومړنی قرارداد په ۲۰۱۰ کال کې لاسلیک کړ. موږ په ۲۰۱۸ کې د اق قویو د اټومي بټۍ د بڼسټ ډبره کیښوده . اوس مهال په ورته وخت کې د ۴ ریکټورونو د جوړولو کار دوام لري او نن موږ یو ډیر مهم ګام اوچتوو. مونږ  د اټومي انرژی په سفر کې یو بل پړاو  ته داخل شو.  د اق قویو اټومي بټۍ ته د تازه اټومي تیلو د راوړلو سره دې بټۍ  په رسمي توګه د  "اټومي تاسیساتو" حیثیت ترلاسه کړ.

دونمز وویل چې اټومي انرژي نور د تورکیې لپاره لرې هدف نه دی.

"راتلونکي کال کې به ، موږ د اټومي انرژۍ څخه د بریښنا تولید هم پیل کوو. موږ به د تورکیې د انرژۍ په سرچینو کې د انرژۍ د یوې نوې سرچینې په اضافه کولو سره د خپلې انرژۍ پورټ فولیو متنوع کړو."

هغه وویل چې د دې د اق قویو اټومي انرژۍ بټۍ  د تورکیې جمهوریت په تاریخ کې د په یو قلم تر ټولو ستره  پانګوونې په توګه هره ورځ وده کوي .

"اق قویو اټومي انرژۍ بټۍ ۴ ریکټورونه جمعآ ۶۰ جمع ۲۰ چې په  مجموعي توګه ۸۰ کاله کیږي عمر لري او پرته د ځنډه په دوامداره توګه ۲۴ ساعته به د پایښت لرونکي ، چاپیریال دوسته او خوندي انرژي تولید کړي.  موږ به د دې تاسیساتو څخه خپلۍ د کلنۍ بریښنا نږدې لس سلنه اړتیا پوره کړو. مونږ به ددې بټۍ نه په کال کې ۳۵ میلیارد کیلوواټ ساعته برښنا دلته تولید کړو. ددې برښنا د تولید سره به په کال کې د ۷ میلیارده متر مکعب ګازو وارداتو او ۳۵ میلیونه ټنه ککړتیا مخه ونیول شي.