د تورکیې ملي امنیت شورا د ولسمشر اردوغان په مشرۍ غونډه وکړه

د تورکیې د ملي امنیت شورا ویلي چې د تورکیې په جنوبي پولو کې د ترسره شوو عملیاتو یواځنی هدف ترهګریز سازمانونه دي او ټینګار یې وکړ چې په سیمه کې به هیڅ ترهګریز سازمان ته  د شتون او فعالیت اجازه ورنکړل شي.

تیره ورځ  د ولسمشر رجب طیب اردوغان په مشرۍ د ولسمشرۍ په ماڼۍ کې د ملي امنیت د شورا د غونډې نه وروسته  یوه اعلامیه خپره شوه.

په خبرپاڼه کې راغلي، چې د ملي شورا په پرونۍ غونډه کې د هیواد  د ملي یووالي، اتحاد ، اتفاق  او بقاء پر وړاندې د هر ډول ګواښونو او خطرونو په ځانګړې توګه د  

( پي کاکا – د پي کاکا څانګو ، داعش او فتح الله ګولن  ) ترهګریزو سازمانونو په وړاندې د هېواد په دننه او بهر کې په کلک هوډ، عزم او بریالیتوب سره د روانو  عملیاتو په اړه معلومات ورکړل شول د اضافي تدابیرو  په اړه خبرې وشوې.

په بیان کې ویل شوي چې د تورکیې په جنوبي سرحدونو کې د ترسره شوو عملیاتو یواځینی هدف ترهګریز سازمانونه دي او زیاته شوې ده چې  ،

"زمونږ د ستر ملت او د خپل ځانګړي هیواد د دفاع او امنیت د تامین په خاطر د ملګروملتونو سازمان د منشور د ۵۱ مې مادې په چوکاټ کې د هیواد په جنوبي سرحدونو کې د ترسره شوو او روانو عملیاتو یواځنۍ موخه ترهګریز سازمانونه دي، او مونږ به هیڅ یو ترهګریز سازمان ته چې زمونږ په سیمو، پولو ،ښارونه، ښاریان او امنیتي ځواکونه بریدونه کوي ، د موجودیت  او فعالیت اجازه ونکړو. همداشان د ترهګرو پر خلاف په قاطعیت سره اړین ګام اوچت شي.»

په خبرپاڼه  ددې خبرې په ټینګار ویل شوي دي چې تورکیه  د پخلاينې ، صداقت او صمیمت پر بڼسټ ولاړ د  چلند او د ستونزو پر حل متمرکز مذاکراتو وړاندیز چې تل د یونان لخوا بر ځوابه پاتې شوی دی ددې هیواد نه د غیرې عسکري حیثیت لرونکو ټاپو ګانو د په وسلو سمبالولو  او د نړۍوالو تړونونو او معاهدو  نه د سرغړونکو فعالیتونو نه هر څه ژر د لاس اخیستو غږ شوی دی. په خبرپاڼه کې راغلي دي چې تورکیه به د تورکي نړۍ د نه بیلیدونکي پارچې شمالي قبرس تورکي جمهوریت نه خپل قوي ملاتړ ته دوام وکړي. همداشان د نورو هیوادونو او سازمانونو نه د ورته ګامونو د اوچتولو تمه شوې ده .