ترکیې بهرنیو چارو وزیر فلسطین ته سفر وکړ

د ترکیې د بهرنیو چارو وزیر مولود چاووش اوغلو د رسمي سفر په ترڅ کې د فلسطین رام الله ښار ته ورسید.

د وزیر چاووش اوغلو الوتکه  د اسراییلو په پلازمینه تل ابیب کې د بن ګوریون په هوايي ډګر کې ښکته شوه. چاووش اوغلو نه  دلته د اسراییلي چارواکو لخوا تود هرکلی وشو.

مولود چاووش اوغلو چې له تل ابیب څخه رام الله ته لاړ هلته لومړی  خپل فلسطیني سیال سره د لیدنې په موخه د فلسطین د بهرنیو چارو وزارت ته لاړ.

د ترکیې د بهرنیو چارو نه د فلسطین د بهرنیو چارو وزیر ریاض المالکي لخوا تود هرکلی وشو. چاوش اوغلو به د ترکیې او فلسطین د ګډې کمیټې په دوهمه غونډه کې ګډون وکړي.

چاوش اوغلو به له مالکي سره دوه اړخیزه غونډه هم ولري او وروسته به له هغو فلسطینیانو سره وویني چې د ترکیې له پوهنتونونو فارغ شوي دي.

تمه کیږي چې د بهرنیو چارو وزیر چاووش اوغلو د فلسطین ولسمشر محمود عباس سره هم لیدنه وکړي.

چاووش اوغلو به سبا اسرائیل ته راستون شي او له خپل سیال یایر لاپید سره به په دوه اړخیزه توګه او د هیئت ترمنځ وویني.

ټاکل شوې چې په دې غونډه کې به د دوه اړخیزو اړیکو ، سیمه ییزو او نړیوالو مسایلو په اړه تبادله  د نظر وکړي.