د ترکیې محاربوي بې پیلوټه الوتکې مهم امتحان په بریالتوب سره سرته ورسول
اق سونګور الوتکې امتحان په بریالیتوب سره تیر کړ
د ترکیې بې پيلوټه محاربوي الوتکې اق سونګور د لومړي ځل لپاره د پوره مهماتو سره ۲۰ زره فوټه ارتفاع ته ورسیده.
د ترکیې د هوايي او فضايي صنایع د شرکت لخوا طرحه ، ډیزاین او جوړه شوې بې پیلوټه محاربوي الوتکه اق سونګور یو بل مهم امتحان هم په ډیر بریالیتوب سره سرته ورسو. اق سونګور الوتکې د پوره مهماتو سره ارتفاع ۲۰ زره فوټه ته ورسیده او د څه باندې یوې ورځې لپاره په هوا کې پاتې شوه.
د ترکیې د هوايي او فضايي صنایع شرکت د بیان په خپرولو سره ویلي دي چې د اق سونګور الوتکې د کیفیت او ظرفیت د لوړولو په خاطر چارې او امتحاني پړاونه دوام لري.
اق سونګور بې پيلوټه الوتکه ددیننه وړاندې د ۴۹ ساعته لپاره په دومداره توګه الوتنه کړې وه.
دا الوتکه د ۷۵۰ کیلوګرامه ګټور بار د انتقال په ظرفیت او د شپې او ورځې لخوا د هوا په هر ډول شرایطو کې د استخباراتو راټولو، څار ، کشف او تعرض د دندې د ترسره کولو په ظرفیت جوړه شوې ده.
دې الوتکې د لومړي ځل لپاره د راکټسن شرکت لخوا د جوړ شوو ۱۲ راکټونو سره یو ځای د ۲۸ ساعتونو لپاره الوتنه وکړه.
هغه دا امتحان هم په ډیر بریالیتوب سره سرته ورسو.
