ترکیې د یونان سره د روانو ستونزو د حل په خاطر مذاکراتو ته چمتوالی وښود

د ترکیې د بهرنیو چارو وزارت د بیان په خبرولو سره ویلي‌ دي چې د ناټو سازمان عمومي سکرتر ینس ستولتنبرګ په ختیځه مدیترانه کې د ترکیې او یونان ترمنځه د روان کړکیچ د کچې د راټیټولو، د دواړو هیوادونو د سمندري‌ او پلو ځواکونو ترمنځه د احتمالي کومې پيښې د رامنځته کیدو د مخنیوي لپاره يي د نوښت او اقدام  د پیلولو نه خبر ورکړی دی.

په بیان کې راغلي‌ دي چې ترکیه هم د ددې اقدام نه ملاتړ کوي‌ چې دا نوښت به پخپله د ناټو سازمان د مشر لخوا اعلان شي. ددې نوښت له مخې د دواړو هیوادونو ترمنخه به د ناټو سازمان په چوکاټ کې په پوځي‌ او تخنیکي مسئلو خبرې وشي. دا مذاکرات د ترکیې او یونان ترمنځه د موجودو ستونزو د حل لپاره ندي‌ بلکې د دواړو هیوادونو عسکري‌ مقامات به د هر څه نه مخکې په متقابله توګه په رامنځته کړو اصلاحاتو بحث وشي.

په بیان کې راغلي‌ دي‌ چې ترکیه د وینان سره  د ټولو مسئلو د حق په خاطر د نړۍوالو حقوقو  ،  عدالت او حقانیت په چوکاټ کې او تل پاتې حل لارې په خاطر پرته د کوم شرط او قیده ډیالوګ او مذاکراتو ته چمتو دی. ترکیې په یونان لوري باندې هم د ناټو سازمان د وړاندیز او نوښت نه د  ملاتړ کولو غږ کړی دی.

د ناټو سازمان عمومي‌ سکرتر ینس ستولتنبرګ د ترکیې او یونان تر منځه په ختيځه مدیترانه کې د احتمالي نښتو د مخنیوي‌ د میکانیزم د جوړولو لپاره د تخنیکي لیدونو کتنو د پیلولو په خاطر  په تفاهم رسیدلی دی.