ولسمشر اردوغان د قطر لومړي وزیر سره ولیدل

د ترکیې ولسمشر رجب طیب اردوغان  پرون د قطر لومړی وزیر شیخ عبدالله بن ناصر بن الخلیفه ال ثاني  سره په انقره کې لیدنه وکړه.

دا لیدنه چې  په پلازمینه انقره کې  د ولسمشرۍ په ماڼۍ کې  ترسره شوه  ۳۵ دقیقې دوام وکړ.

پدې لیدنه کې د ولسمشر مرستیال فواد اوکتای، د چاپیریال او ښارجوړونې وزیر مراد کوروم، کورنیو چارو وزیر سلیمان سویلو او سوداګرۍ وزیرې رخسار پیکجان هم ګډون کړی وو.

لیدنه  د مطبوعاتو نه د بندو دروازو ترشا ترلاسره شوه.