د ترکیې د ازمیر په ولایت کې د کډوالو  ستره فاجعه رامنځته شوه.

پرون د سهار په ساعتونو کې په ازمیر ولایت کې  یوه کوچنۍ لارۍ  چې په لسګونو تنه  ناقانونه کډوال پکې سپاره ول  لاندې  درې ته  وغورځیده.

د ویلو ده چې  پدې پيښه کې  ۱۹ تنه مړه او ۱۶ تنه نور ټپيان شوي وو چې  د ټپيانو نه هم  ۳ تنو نورو  په روغتون کې ساه ورکړه.

په پيښه کې د مړو شمیره  ۲۲ تنو او د ټپیانو شمیره  ۱۳ تنو ته  ورسیده.

د لارۍ چلوونکی  چې د لوی موټر د چلولو  لایسنس يي هم  نه درلود  او قوي جرمي سابقه يي درلوده  پدې پيښه کې ټپي ژغورل شوی دی.

د لارۍ چلوونکی  د پولیسو لخوا نیول شوی دی.

پیښه  د ازمیر ولایت د مندرس  په ولسوالۍ کې  رامنځته شوه. پولیسو ویلي دي چې  نوموړې لارۍ چې د ایدن ولایت  نه د ازمیر ولایت پر لورې روانه وه په لویه لاره کې د ازمیر ولایت د مندرس په ولسوالۍ کې  کنټرول د لاسه ورکړ  او لارۍ  لاندې درې ته وغورځیده.

د پيښې د رامنځته کیدو نه سمدلاسه وروسته  په لسګونو امبولانسونه ، پولیسو او ژاندارم  ګاډې سیمې ته  ورسیدل.

د پيښې د ټپيانو درملنه دوام لري. د لارۍ چلوونکي  په لومړنیو تحقیقاتو کې ویلي دي چې لارۍ يي د ۴ ورځو لپاره کرا کړې وه.

د پیښې قربانیانو  د ازمیر ولایت عدلي طب ادارې ته  وړل شوي دي.