ولسمشر اردوغان جرمني ته سفر کوي

د ترکیې ولسمشر رجب طیب اردوغان  نن  په امریکا متحده ایالتونو کې د رسمي لیدونو کتنو نه وروسته  جرمني ته سفر کوي.

ولسمشر اردوغان به  جرمني ته د خپل سفر په لومړنۍ  ورځ  د مدني ټولنو او سازمانونو د استازو  سره  لیدنه وکړي.

د جرمني  د ولسمشر فرانک والټر شټاینمایر  به سبا  د ولسمشر رجب طیب اردوغان نه د رسمۍ مراسمو په ترڅ کې  هر کلی وکړي.

ولسمشر اردوغان به د ولسمشر شټاینمایر سره  د لیدنې نه وروسته د لومړۍ وزیرې انګیلا مرکل سره  لیدنه وکړي.

ویل کیږي  د لیدونو  اصلي موضوع  اقتصادي او تجاري اړیکي  دي. همداشان  د دفاعي صنایع د پروژو او ټرانسپورت په اړه هم  خبرې وکړي.

ولسمشر اردوغان به د مرکل سره  د لیدنې نه وروسته  په ګډه خبري غونډه کې ګډون وکړي.

ولسمشر اردوغان به  جرمني ته د خپل سفر په وروستۍ ورځ په نوموړي هیواد کې د میشتو ترکانو سره  لیدنه وکړي.

ولسمشر اردوغان به په کولن کې  د ترکیې د دیني چارو د ریاست لخوا جوړ شوی  جومات هم  پرانیزي.