د جون د ۲۴ مې د ټولټاکنو په خاطر د هیواد نه بهر د رای اچونې لړۍ د جون په ۷ مه نيټه پیلیږي

په ترکیه کې د جون د میاشتې په ۲۴ مه نیټه  د ترسره کیدونکو ټولټاکنو په ترڅ کې د هیواد نه بهر د میشتو ترکانو لپاره د رای اچونې بهیر د جون په ۷ مه نیټه پیلیږي.

د  هیواد نه بهر میشت  ترکان به  د جون د ۷ او ۱۹ مو نیټو ترمنځه  په ۶۰ هیوادونو کې  په ۱۲۳ د رای اچونې په مرکزونو کې خپلې رایې وکاروي.

همداشان  د ترکیې په سرحدي دروازو  کې  د رای اچونې بهیر  د جون په ۷ مه نيټه  او تر ۲۴ مې نیټې به دوام  وکړي.

په جرمني ، اتریش او فرانسه کې میشت  ترکان  کولی شي چې  د جون د ۷ او ۱۹ مو نیټو ترمنځه خپلې رایې وکاروي.

په امریکا ، استرالیا او لوکسمبرګ کې  د رای اچونې لړۍ به د جون د ۷ مو او ۱۹ مو نيټو ترمنځه دوام وکړي.

په ډنمارک کې به  د جون په نهمه نيټه پیل او تر ۱۹ مې نیټې به دوام  وکړي.

په  ناروې کې به د رای اچونې بهیر  د جون په ۱۴ مه پيل  او تر ۱۹ مې نیټې به دوام وکړي.

په ایټالیا او ترکمنستان کې به د رای اچونې بهیر  د جون په ۱۵ مه پيل  او تر ۱۷ مې نیټې به دوام  وکړي.

په بلجیم، هالنډ او سویس کې به د رای اچونې بهیر د جون په ۱۵ مه نيټه  پیل  او تر ۱۹ مې نیټې به دوام  وکړي.

په شمالي قبرس ترکي جمهوریت، کاناډا او بلغاریا کې به د رای اچونې بهیر د جون په ۱۶ مه نيټه پیل او تر ۱۸ مې به دوام  وکړي.

په انګلستان کې  به د جون په ۱۶ مه نيټه  پیل تر ۱۹ مې نیټې به دوام  وکړي.

په چین، روسیه، رومانیا، سعودي عربستان ، بحرین، یونان، لبنان، اسراییل، اوکراین، متحده عربي اماراتو، بوسنیا هیرزګوینا، الجزایر، فنلنډ، سویډن، قزاقستان ، قیرغیزستان، مقدونیا او سوډان کې به د رای اچونې بهیر  د جون په ۱۶ مه نيټه  پيل  او دوه ورځې به دوام  وکړي.

په اذربایجان، البانیا، عراق، ایران، ایرلنډ، اسپانیا، مصر، مالتا، ازبکستان، سربستان، چک جمهوري، هنګري، پولنډ ، سویلي افریقا، ګرجستان، جاپان ، کوسووا، کویټ، مالدیف او ټایلنډ کې به  د رای اچونې بهیر  د جون په ۱۷ مه نیټه  د یو ورځ لپاره  ترسره شي.

د ویلو ده چې د تیرو ټاکنو به څیر د هیواد نه بهر کارول شوې  رایې  په ځانګړو الوتکو  او یا ډیپلوماتیک  پوسته کې  هیواد ته راانتقال  او د جون په ۲۴ مه نیټه د رای اچونې د بهیر د پایته رسیدو نه وروسته  وشمیرل شي.