په عفرین کې د وژل شوو ترهګرو وروستۍ شمیره اعلان شوه

د ترکیې وسله والو ځواکونو  د سوریې د عفرین په سیمه کې  د روانو عملیاتو په ترڅ کې د وژل شوو  ترهګرو وروستۍ شمیره اعلان کړه.

د ترکیې ستردرستیزوالۍ  لخوا په خپره شوې خبرپاڼه کې ویل شوي دي  چې د ترکیې وسله والوځواکونو د ۲۰۱۸ میلادي کال د جنوري په شلمه  نیټه  د سوریې د عفرین  په سیمه کې د پ ک ک ، ک جي ک ، پ وای ډي ، وای پ جي او داعش ترهګرو پر خلاف  د پیل کړو عملیاتو په ترڅ کې  د مارچ تر ۱۴مې نیټې  ۳۵۲۴ تنه  ترهګر له منځه وړي دي.

په خبرپاڼه کې راغلي دي چې  عملیات  په چټکۍ سره دوام لري .

د ترکیې وسله وال ځواکونه  د ازادې سوریې د ځواکونو په ملګرتیا  د عفرین  ښار  دروازو ته  رسیدلي او ښار يي  محاصره کړې دی.

ترکي ځواکونه  د ملکي وګړو د احتمالي مرګ ژوبلې د مخنیوي په خاطر په ډیر دقت  سره  پرمختګ کوي.