ولسمشر اردوغان په قطر لګول شوي بندیزونه ضد انساني او ضد اسلامي وبلل

د ترکیې ولسمشر رجب طیب اردوغان وویل چې په قطر لګیدلي بندیزونه  نه انساني  او نه اسلامي دي.

ولسمشر اردوغان دا څرګندونې  تیره ورځ  په ملي شورا کې د عدالت او پراختیا واکمن ګوند اونیزې غونډې ته  وکړې.

هغه وویل چې  د هیواد په خلکو د خوراک او څښاک په توکو، په سیاحت، تجارت  او عبادته  پورې په هره برخه کې  د بندیزونو لګول  او تجرید کول  نه  انساني  او نه اسلامي  دي.

په یو خپلواکه هیواد باندې  د ترهګرو نه د ملاتړ  په بهانه  د دا ډول  بندیزونو لګول  او دا هیواد  تجریدول  د ترکیې  لپاره د منلو وړ ندي.

هغه وویل چې  په قطر پداسې حال کې  د ترهګرو نه د ملاتړ تور لګول کیږي چې  دا هیواد  تر ټولو  ډیر  د ترهګرۍ پر وړاندې مبارزه کوي. قطر  د داعش ترهګرې ډلې پر خلاف  چې سیمه يي ورانه کړې  او په زرګونو تنه يي وژلي دي  د ترکیې سره په ګډه  تر ټولو  قوي مبارزه کوي.

د افترا او تورونو سره  قطر په سیمه کې  د یو ګناهکار  او ترهګرو نه د ملاتړ کوونکي هیواد په توګه  اعلانول  او ښودل  هیچا ته  کومه ګټه  نه کوي.

ولسمشر اردوغان وویل که چیرې  د ترکیې او قطر  مرسته او ملاتړ  نوې  نن ورځ  به  سوري مخالفین  د ظالم  اسد  او داعش قاتلې او ترهګرې ډلې په مقابل کې  څه ډول  دریدلي وی؟ قطر ته باید  یواځې  د طبعي زیرمو د یو بډایه هیواد په سترګه ونه کتل شي. قطر  پدې وروستیو کلونو کې  په اسلامي هیوادونو کې  د هر ډول  ستونزو او مشکلاتو د حل په لاره کې  په ډیر جسارت سره  چلند کوونکی  هیواد دی.

ولسمشر اردوغان  یو ځل بیا  د سعودي عربستان په پاچا ملک سلمان غږ وکړ  چې  د خلیج د سیمې د مشر په توګه  دا  ستونزه  حل کړه. ولسمشر اردوغان د سعودي د پاچا نه غوښتنه وکړه چې  ددې ستونزې د حل په خاطر  مشري  وکړي.