ترکیې په سوریه کې د داعش دویمه پلازمینه ونیوله
ترکیې د سوریې په شمال کې د داعش ترهګرې ډلې اصلي مرکز د الباب ولسوالي په کامله توګه فتحه کړه.
ترکیې د سوریې په شمال کې د داعش ترهګرې ډلې اصلي مرکز د الباب ولسوالي په کامله توګه فتحه کړه.
د ترکیې لوی درستیز ستر جنرال خلوصي اکار د الباب د ښار د نیولو او په یاد شوي ښار کې د داعش ترهګرې ډلې پر خلاف د روانو عملیاتو د پایته رسیدو نه خبر ورکړ.
لوی درستیز وویل چې د الباب ښار په کامله توګه د داعش ترهګرې ډلې نه تصفیه شو او وسله وال ځواکونو په ښار کې د ترهګرو لخوا د ځای په ځای شوو ماینونو او چاودیدنکو توکو په شنډولو پيل کړی دی .
د بله پلوه د ترکیې د ملي دفاع وزیر فکري اشق د الباب د نیولو سره سمدلاسه وروسته خبریالانو ته وویل چې « الباب په کامله توګه د داعش ترهګرې ډلې نه تصفیه شو اوس وار د ممبیچ او وروسته د رقه دی. »
ترکیې د ۲۰۱۶ کال د اګست په ۲۴ مه نیټه د ازادې سوریې د ځواکونو په ملګرتیا د سوریې په شمال کې د داعش ترهګرې ډلې پر خلاف په عملیاتو پیل وکړ. د نوموړو عملیاتو په ۱۷۷ یمه ورځ د ترکیې د وسله والو ځواکونو په ملاتړ د ازادې سوریې ځواکونو د سوریې په شمال کې د داعش ترهګرې ډلې اصلي هډه د الباب ښار په کامله توګه ونیو.
د ترکیې لوی درستیز ستر جنرال خلوصي اکار چې د ولسمشر رجب طیب اردوغان سره د بحرین، سعودي عربستان او قطر په سفر وتلی وو د قطر په پلازمینه دوحه کې په خبري غونډه کې ګډون وکړ.
لوی درستیز اکار دلته خبریالانو ته وویل « سترګې مو روښانه د الباب ښار په کامله توګه فتحه شو او عملیات سرته ورسیدل. »
همداشان د ترکیې د ملي دفاع وزیر فکري اشق چې د ناټو سازمان د دفاع وزیرانو په غونډه کې د ګډون په موخه بروکسل ته تللی دی هلته په خبري غونډه کې ګډون وکړ.
هغه خبریالانو وویل چې د الباب ښار په کامله توګه ونیول شو او د ترکیې ټانکونه د ښار مرکز ته ننوتي دي. هغه زیاته کړه چې د الباب په ځینو مسکوني سیمو کې د داعش بعضې پاتې شوني پټ شوي دي او د هغوې تصفیه دوام لري.
په ښار کې تعرضي عملیات سرته رسیدلي یواځې د ماینونو او چاودیدونکو توکو په پاکولو پیل شوی دی .
د دفاع وزیر وویل چې د الباب نه وروسته د ترکیې بل هدف ممبیچ او رقه دی.
هغه زیاته کړه تمه کیږي چې د راتلونکې یوې یا یوې نیمې میاشتې په دننه کې د الباب ښار د ماینونو او چاویدونکو توکونه په کامله توګه پاک شي.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل