په كابل كې د بريد په اړه د تركيې غبرګون
د تركيې د بهرنيو چارو وزارت د يوې اعلاميې په خپرولو سره په كابل كې ننى بريد چې د سترې محكمې مخې ته ترسره شو، وغندلو.
د بهرنيو چارو د وزارت لخوا په خپره شوې اعلاميه كې راغلي دي چې تركيه د سترې محكمې ودانۍ ته نږدې د ترسره شوي ترهګري بريد له امله خواشينې ده. په اعلاميه كې همداراز د بريد قربانيانو ته د مغفرت غوښتنه شوې او ټپي شوو كسانو ته د لوى الله ج له حضوره د روغتيا هيله څرګنده شوې ده.
د اعلاميې له مخې تركيه دا ترهګري بريد په كلكه غندي او د افغانستان د حكومت او ورور افغان ولس ته د تسليت پيغام وړاندې كوي.
د اعلاميې په يوې برخه كې راغلي دي چې `` دا منفور ترهګري بريدونه نشي كولاى چې د افغانستان ثبات او پرمختګ ته زيان ورسوي. تركيه لكه د تل په څېر د ترهګرۍ سره د مبارزې په برخه كې د افغان حكومت او ملت ترڅنګ ولاړه ده.``
د يادولو وړ ده چې تركيه لومړنى هېواد دى چې په چټكۍ سره يې د بريد په اړه رسمي اعلاميه خپره كړه او ويې غندلو.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل