د ترکیې ولسمشر رجب طیب اردوغان  په استانبول کې د چټک غبرګون پولیسو د مدیریت نه لیدنه وکړه.

د ترکیې ولسمشر رجب طیب اردوغان  په استانبول کې د چټک غبرګون پولیسو د مدیریت نه لیدنه وکړه.

ولسمشر اردوغان  ددې لیدنې سره  د پولیسو نه د پوره ملاتړ پيغام ورکړ.

ولسمشر اردوغان  دلته پولیسو ته په خطاب کې وویل چې  « د ظالم  سره  مرحمت  د مظلوم سره  د خیانت  په معنا  دی. د ظالم سره  به د مرحمت نه کار نه اخلۍ  ځکه چې  دا  بیا  مظلوم سره  خیانت  دی.»

ولسمشر اردوغان  په استانبول کې  د چټک غبرګون په پولیسو باندې وحشي  برید  د لویدیځو امپریالیستو ځواکونو چې  د ترکیې د ویشلو  هڅه کوي  کار وباله.

ولسمشر اردوغان  پولیسو ته په خطاب کې وویل «  تاسې ته چې  کوم  حقونه او صلاحیتونه  درکړل شوي دي  د ترهګرۍ  پر وړاندې په مبارزه کې  باید ترینه پوره کار واخلئ. د ترهګرۍ پر وړاندې په مبارزه کې د خپلو حقونو او صلاحیتونو د کارولو نه  هیڅډول تردد  مکوئ. »

ولسمشر وویل « که چیرې  د ظالم سره  مرحمت وکړئ  دا  د مظلوم سره  خیانت کول دي. هیڅکله هم  د ظالم سره  مرحمت مکوئ. څه چې  لازم وي  هغه  کوئ.»

ولسمشر اردوغان  په خپله وینا کې زیاته کړه چې  «  ټول  ملت او هر سړی  باید  پدې ښه پوه شي  چې  د ترکیې  حکومت او دولت  ستاسې نه پوره ملاتړ کوي او ستاسې تر څنګ  ولاړ  دی. تاسې ته چې کوم حقونه او صلاحیتونه درکړل شوي  دي  د ترهګرۍ پر وړاندې په مبارزه کې ترینه  پوره کار اخلئ. هیڅډول  تردد مکوئ. »

همداشان  ولسمشر اردوغان  د چټک غبرګون پولیسو ته  د استانبول په پيښه کې د شهید شوو ملګرو له امله  تسلیت او ډاډګیرنه ورکړه.

د هیواد د کورنیو چارو وزیر سلیمان سویلو هم  د ولسمشر اردوغان سره ملګرتیا کوله.

هغه  پولیسو ته په خطاب کې وویل چې « د شهید شوي  تر تن  د هر څاڅکي  ویني  غچ به واخیستل شي. هیڅوک باید پدې برخه کې  شک او شپهه ونلري. ددې خاینینو نه  به  د هیواد دننه او بهر  د ذرې ذرې په اندازه  حساب واخیستل شي. »