ولسمشر اردوغان د جرمني تلویزیوني کانال سره په مرکه کې په جرمني نیوکې وکړې

د ترکیې ولسمشر رجب طیب اردوغان وویل چې  اروپا د کودتا  او کودتاچیانو په مقابل کې د ترکیې نه  لکه څرنګه چې لازم  وه  ملاتړ ونکړ.

ولسمشر اردوغان دا څرګندونې  د جرمني RTL تلویزیوني کانال سره  د مرکې پر مهال وکړې.

ولسمشر اردوغان  د جرمني د تلویزیوني کانال سره په مرکه کې د جولای د ۱۵ مې کودتا، د کودتا پر وړاندې د اروپا په دریځ، د ویزې په معافیت  او د مهمو مسلو په اړه  ارزونې وکړې.

ولسمشر اردوغان په ترکیه کې د جولای په ۱۵ مه د فتح الله ګولن ترهګریز سازمان او موازي دولت جوړښت (FETÖ/PDY)  لخوا د ترسره شوې کودتا د ناکامې هڅې  په مقابل کې  د اروپا په غوره کړي دریځ  نیوکه وکړه او وویل « اروپا لکه څرنګه چې لازم  وه  د ترکیې نه  ملاتړ ښکاره نکړ. د جولای په ۱۵ مه نیټه د کودتا ناکامه هڅه وشوه  خو د درې ورځې وروسته  د جولای په ۱۸ مه نیټه  د جرمني لومړۍ وزیرې انګیلا مرکل  ټيلیفون وکړ. مرکل  په ترکیه کې د روانو پرمختګونو په اړه اندیښمن نه یو په څیر  څرګندونو  په حقیقت کې مونږ  خواشینې کړو. مونږ د غچ اخیستو د احساساتو سره  حرکت نه کوو. »

ولسمشر اردوغان وویل  « مونږ  د اروپا نه د کودتا پر خلاف زمونږ  د مشروع او منتخب حکومت ترڅنګ د دریدو انتظار درلود. لکه څرنګه چې  اروپا د پاریس د پیښو په اړه  غبرګون ښودلی وو لږ تر لږه  ترکیې هم  د عینې غبرګون  انتظار  درلود. اروپايي هیوادونو لږ تر لږه  خپل استازي ترکیې ته رالیږلی شو  خو  دا کار يي ونکړ.»

ولسمشر اردوغان وویل چې  د فتح الله ګولن ترهګریز لخوا په ترسره شوې  دې خونړۍ کودتا کې  ۲۴۰ تنه معصوم او بې ګناه انسانان  په شهادت ورسید  او څه باندې  ۲ زره تنه ټپیان شول. په ترکیه کې  په ډیموکراسۍ  او حکومت  د برید او کودتا نه وروسته یواځې  د اروپا د شورا عمومي سکرتر، د قطر د بهرنیو چارو وزیر او  د اروپا یو  وزیر ترکیې ته راغلل. دې مسلې  په واقعیت سره چې مونږ  ډیر خواشیني کړو.

ولسمشر اردوغان  د اعدام  د جزا په اړه  د پوښتنې په ځواب کې وویل چې « د تیرې یکشنبې په ورځ  په استانبول کې د ۵ میلیونو تنو په ګډون د شهیدانو او ډیموکراسۍ غونډه جوړه شوې وه. پدې غونډه کې ګډون کوونکو په یو اواز  د اعدام غوښتنه کوله. هو که چیرې  ولسي جرګه کې  د اعدام  جزا  بیرته  راولي او پدې اړه قانون تصویب کړي  سمدلاسه يي  تاییدوم. »

ولسمشر اردوغان  د یوې بلې پوښتنې په ځواب کې وویل چې  « لکه څرنګه چې ټوله نړۍ پوهیږي په ترکیه کې په ټاکنو کې د ګډون کچه لوړه ده. د ترکیې خلکو په هرو ټاکنو کې  د تیرو ټاکنو پر ځای  ماته  ډیرې  رایې کړي دي. د ولسمشرۍ په ټاکنو کې  د ۵۲ سلنه رایو سره  د ولسمشر په توګه وټاکل شوم. یو ولسمشر چې د ۵۲ سلنه  خلکو ملاتړ ترشاه ولري هغه څرنګه  تبعض  یا  هیوادوالو ترمنځه فرق کولی شي. زما لپاره د ترکیې د خلک ټول  یو شان  دي ځکه چې زه د ولس مشر یم.

ولسمشر اردوغان د جرمني په قضايه قویې د نیوکې سره وویل « دوه اوونۍ  د مخه  د کولن په ښار کې  د کودتا پر خلاف  یوه ډیره لویه  غونډه جوړه شوې وه. په پلان کې وه چې  زه  دې غونډې ته د ټیلې کنفرانس له لارې  وینا وکړم  خو د جرمني د اساسي قانون محکمې  مونږ ته اجازه رانکړه. زه  پدې برخه کې د جرمني قضایه قویې ته درناوی نه کوم. »