د ترکیې لومړي وزیر بنعلي  ییلدرم  د ډیموکراسۍ په نوبت کې ګډون وکړ.

د ترکیې لومړي وزیر بنعلي  ییلدرم  د ډیموکراسۍ په نوبت کې ګډون وکړ.

لومړي وزیر ییلدرم  تیره شپه په پلازمینه انقره کې  په لسګونو زرو تنو ته وینا وکړه.

هغه  وویل چې  د فتح الله ګولن ترهګریز سازمان  مشر او د کودتا تنظیموونکی  فتح الله ګولن  به خامخا ترکیې ته  راځي  او ددې ټولو جنایتونو حساب به ورکوي. هغه زیاته کړه چې د جولای د ۱۵ مې کودتا د ناکامیدو اصلي لامل  د ولسمشر اردوغان  قوي  مشري  او مړانتیا ده. 

لومړي وزیر ییلدرم  تیره شپه  د ولسمشرۍ د ماڼۍ په مخکې راټولو شوو په لسګونو زرو تنو ته په وینا کې وویل چې  د فتح الله ګولن ترهګریز سازمان د ناکامې کودتا د هڅې سره هیواد  د پاڼ ځنډې ته  وړی  وو  چې  د ترک ملت د میړانتیا او شهامت  له امله  وژغورل شو. هغه وویل چې  د جولای د ۱۵ مې کودتا ټولو فاعلین به یو یو  د خپلو اعمالو په سزا ورسول شي. ټولو ته به ډیره سخته  جزا ورکړل شي.

لومړي وزیر زیاته کړه چې په ترکیه کې د کودتا نه وروسته  د رامنځته شوي  ټولنیز او سیاسي مطابقت  او یووالي  د دوام په خاطر به هڅه وکړي. هغه وویل چې نن ورځ  دا وطن  د جولای د ۱۵ مې د کودتا د شهیدانو له برکته  وطن  دی. ترک  ملت  خپل عظمت  یو ځل بیا ټولې نړۍ ته په ډګه کړ.

لومړي وزیر وویل چې  نن  شپه  د ولسمشر رجب طیب اردوغان په حضور کې د ډیموکراسۍ  د نوبت  وروستۍ  شپه ده. هغه  د ولسمشر اردوغان نه  د کودتاچیانو په مقابل کې د ښودلي وقار او میړانتیا  له امله مننه وکړه. هغه وویل چې  د کودتا مخه  د ولسمشر اردوغان قوي مشرۍ  او ستاسې  ملاتړ  نیولی دی. ولسمشر اردوغان په خلکو میدانونو ته  راووځئ  د غږ کولو سره  د کودتاچیانو پخې  سستې شوې.

هغه وویل چې  ترک  ملت  د ترکیې  راتلونکی، بیرغ نامرادانو ته  تسلیم نکړ، کودتاچي خاینینو ته يي  د استقلال د مبارزې  د ادارې مرکز  ملي شورا ودانۍ ته د ننوتو اجازه ورنکړه، ولسمشر اردوغان  او حکومت  تر څنګ ودرید  او د ولسمشرۍ د ماڼۍ د اشغال مخه يي ونیوله. دې ملت  د جولای په ۱۵ مه یو ځل بیا  استقلال  جګړه  وګټله.