لومړي وزیر بنعلي ییلدرم د ترکیې د ملي راډیو تلویزیون نه لیدنه وکړه

د ترکیې لومړي وزیر بنعلي ییلدرم  د جولای په ۱۵ نیټه  د ناکامې کودتا په ترڅ کې د کودتاچیانو لخوا د څو ساعتونو لپاره د ترکیې ملي راډیو تلویزیون  د نیولو نه وروسته  نن   ملي راډیو تلویزیون نه لیدنه وکړه .

لومړي وزیر د مرستیال لومړي وزیر نعمان کورتولموش په ملګرتیا د  ( ټي آر ټي ) د ستدیوګانو  نه لیدنه وکړه.

هغه  د ټي آر ټي  د خبرونو د ادارې د ریس پوښتنې ځواب کړې.

لومړي وزیر ییلدرم  وویل چې په هیواد کې  ټول ستونزې  د الله په فضل سره  چې  حل شوي دي . هغه د هیوادوالو نه  د ژوند  ورځنیو چارو ته په نورماله توګه  د دوام ورکولو غوښتنه وکړه.

هغه وویل چې  د نوموړې  ضد انساني کودتا  په ناکامیدو کې تر ټولو  رغنده رول  د هیواد ولسمشر رجب طیب اردوغان  ولوبو. همداشان  هغه د ترکیې  د ملت، پولیسو او خبري رسنیو نه  د دې کودتا د ناکامولو په لاره کې د لوبولي مهم  رول له امله  مننه وکړه.

لومړي وزیر بنعلي ییلدرم  په ټي ار ټي کې د هغه ستدیو نه چې د جولای د ۱۵ د ناکامې کودتا پر مهال  پکې د کودتاچیانو لخوا د کودتا اعلامیه  خپره شوې وه لیدنه وکړه. کودتاچیانو  د کودتا د پیلولو نه سمدلاسه وروسته  د ترکیې په ملي راډیو تلویزیون  یرغل وکړ او کارکوونکې یرغمل ونیول. کودتاچیانو د وسلې په زور سره  د ټي آر ټي په ویاندې  خپله اعلامیه خپره کړه.

همداشان  لنډه موده وروسته  هیوادوالو  د ټي ار ټي مخې ته  راټول شول  او ټي ار ټي  د کودتاچیانو نه وژغوره.

هغه  د ټي آر ټي  د خبرونو د ادارې ریس ته  وویل چې « یوه بله بلا هم  دفع شوه. هغه وویل چې  زمونږ چارې پایته رسیدلي ندي. ددینه وروسته  د تصفیې  وار دی. هغه وویل چې کودتاچیانو ته  داسې غاښ ماتوونکی  ځواب ورکړ شوی دی چې  ددینه وروسته به بیا کله هم  د ملي ارادې د خپو لاندې کولو هڅه ونکړي.

هغه  یو ځل بیا په هیوادوالو غږ وکړ چې  هیواد باید څو تنو غلو او ترهګرو ته پرينږدو. میدانونو ته راوځي او  د خپل هیواد او ډیموکراسۍ نه دفاع وکړئ. هغه  د نوموړې کودتا قربانیانو ته  د الله د دربار څخه د رحمت او مغفرت او ټپیانو ته د عاجلې شفا‌ء غوښتنه وکړه.