د ترکيې د عدلیې وزیر د نیول شوو کوتاچیانو شمیره اعلان کړه

د ترکیې د عدلیې وزیر د کوتا د ناکامیدو نه وروسته  د کوتاچیانو د نیولو  د بهیر په اړه معلومات ورکړل. د عدلیې وزیر د ترکیې د ملي راډیو تلویزیون سره په ځانګړې مرکه کې وویل چې  تر اوسه پورې  څه باندې۶ زره تنه  کودتاچیان نیول شوي  او کیدای شي چې  شاوخوا ۶ زره تنه نور هم  ونیول شي. هغه وویل چې  دا په ټول هیواد کې د نیول شوو کودتاچیانو شمیره ده. پدې کسانو کې  جګپوړي عسکر، پولیس، ملکي ادارو کارکوونکي  او ملکي خلک هم  شتون لري.

هغه وویل چې د هیواد په ټولو ارګانونو کې  د کودتاچیانو د تصفیې په  اړه  چارې دوام لري  .  د نیول شوو  کوتاچیانو د محاکمې چارې هم  پیل شوي دي. 

هغه زیاته کړه چې  کیدای شي  چې د نیول شوو کسانو هغه کسان چې بې ګناه ثابت شي  هغوې به خوشې  او مجرمین به  زندانونو ته  واچول شي. هغه وویل چې  پدې کودتا کې ټول هغه کسان  چې د ملکي وګړو پر خلاف يی اقدام  کړی وي، وسلو میلونه يي اړولي وي، خلک يي وژلي او ټپي کړي وي  خامخا به ددې حساب ورکوي.

د عدلیې وزیر وویل چې دا بهیر  د ملت سره په ګډه دوام لري. دا د وطن خاینین به  د خپلو اعمالو په سزا ورسول شي. 

هغه وویل چې  د نیول شوو کسانو په جمع کې  ۳۴ تنه جنرالان  دي  چې  ددوی تر ټولو  جګپوړی  د پوځ  دویم  قومندان ستر جنرال آدم  حدوتي دی.

هغه زیاته کړه چې  په نیول شوو کسانو کې  د ترکیې د عالي عسکري شورا غړی او د هوايي ځواکونو پخوانی  قومندان  اکن اوزترک هم  شتون لري. هغه وویل چې  د ستر جنرال اکن اوزترک وطن ته په خیانت  تورن شوی  او محاکمه يي پیل شوې ده .