د ترکیې د پارلمان ټولو سیاسي ګوندونو د کودتاچیانو پر خلاف ګډه اعلامیه خپره کړه

د ترکیې په ملي شورا کې  څلورو سیاسي ګوندونو  د تیرې شپې ناکامې  کودتا  په اړه په ګډه اعلامیه خپره کړه.

د اعلامیې متن د ترکیې د پارلمان د ریس اسماعیل قهرمان لخوا ولوستل شو.

په اعلامیه کې راغلي دي  چې  مونږ  د عدالت او پراختیا ګوند، د خلکو جمهوري ګوند، ملیت پالو غورځنګ ګوند  او د خلکو ډیموکراتیک ګوند  په توګه  د ۲۰۱۶ کال د جون د ۱۵ مې نیټې په شپه پیل شوې او د سهار په ساعتونو کې د ماتې سره د مخامخ شوې کودتا   چې د  ملت ، ملي ارادې، دولت او په ځانګړې توګه  د ملت د ازادې ارادې ،مجلس   او د  خلکو د استازو پر خلاف  ترسره شوې  په کلکه توګه غندو.

د ترکیې میړانه ملت  د کودتاچیانو په مقابل کې  د دریدو سره  د کودتا  مخنیوی کړی دی.

د خپلو ژوند په بیه  د ترکیې جمهوریت او ادارو نه دفاع کوونکي  عزیز ملت د هر ډول ستاینې  او تقدیر  وړ  دی.  د ملت په توګه  پدې لاره کې  خپل خواږه  ځانونه  قرباني کړو شهیدانو د احسانونو مدیون  یو. د هغوې منتدار یو او خپل دا اتلان به هیڅکله هم  هیر نکړو. د ترکیې  ملي مجلس  چې ددې عزیز ملت  استازیتوب کوي د ملت لخوا ورته  سپارل شوې  دنده او مسولیتونه  د بمونو  او مرمیو  لاندې  په ډیره میړانه توګه  ادا کړي دي. زمونږ  ملت  د کودتاچیانو پر خلاف  د یووالي او اتحاد په ښودولو سره  ډیر اصیل  چلند کړی  او کودتاچیانو ته يي غاښ ماتوونکی ځواب ورکړی.

د ترکيې د پارلمان لخوا  د کودتا پر خلاف ښودلی  دریځ  او چلند  ډیر قیمتي او ارزښمند دی.

د ترکیې پارلمان  د کودتا چیانو پر خلاف غوره کړې دریځ په هیواد کې  د ډیموکراسۍ  د لا قوي کیدو په برخه کې ځانګړې اهمیت لري. هر سړی باید پدې ښه پوه شي  چې  نن او ددینه وروسته په راتلونکې کې د ترکیې د ملت، ملي ارادې  او ملي مجلس ته  غزیدونکی  هر لاس به په مقابل کې د مجلس د فولاد په څیر  قوي اراده  وویني.

د ترکیې پارلمان به  د ملت قوي  د ډیموکراسي  عقیدې انعکاس ته  دوام ورکړي. په پارلمان کې  ټول سیاسي  ګوندونه په ګډه توګه  دا کودتا  غندي  . پوره باور لرو چې دا  یووالی  او ګډه اراده  به  د ترکیې ملت ترمنځه اړیکې لاپسې قوي کړي. پارلمان خپلې دندې ته دوام ورکوي. پارلمان به  د حقوقو په چوکاټ کې  ددې کودتا مسولینو ته  تر ټولو سخته  سزا ورکولو ته  زمینه برابره کړي. د ترکیې  په پارلمان کې دا ګډه  اعلامیه پخپله ددې ښکارندويي کوي چې ترکیه هغه پخوانۍ  ترکیه نده. د څلورو سیاسي ګوندونو په څیر  سره ددې چې مخالف سیاسي لیدلوري لرو  خو  ټول په ګډه  د ملي ارادې نه  دفاع کوو او د ملي ارادې ترڅنګ  ولاړ یو.

ټول په ګډه د ملي ارادې نه دفاع کوو او تر قیماته پورې به دې دریځ ته دوام ورکړو.

په اعلامیه کې  د هیوادوالو نه  د هغه اعمالو نه د ډدې کولو غوښتنه شوې ده چې د ډیموکراسۍ سره په ټکر کې وي. شهیدان ته  د رحمت او مغفرت  او ټپیانو ته د عاجلې شفاء غوښتنه کوو. ملت ته د جمیل صبر غوښتنه کوو.

د ترکیې ترڅنګ ولاړ  ټولو دوستو هیوادونو نه  د ښکاره کړي ملاتړ له امله  مننه کوو.