ولسمشر اردوغان په اروپايي ټولنې سختې نیوکې وکړې

د ترکیې ولسمشر رجب طیب اردوغان وویل که چیرې په  اروپايي ټولنه کې  موجوده کړنلارې  او تناقضات  دوام وکړي  په لنډه موده کې به  د انګلستان په څیر د نورو هیوادونو د جلا کیدو شاهدي وکړي.

ولسمشر اردوغان  دا څرګندونې  په استانبول کې  د صنایعګرانو او سوداګرو د ټولنې لخوا په جوړ شوي د روژه ماتي پروګرام کې وکړې. ولسمشر اردوغان  دلته په خپله وینا کې  د اروپايي تولنې نه  د انګلستان د جلا کیدو د پریکړې په اړه  ارزونې وکړې.

هغه زیاته کړه چې  دیموکراسۍ  او ملي ارادې ته د درناوي لرونکي  یوې ټولنې د منصوب  په توګه  هیله لرو چې د اروپايي ټولنې نه د جلا کیدو اړوند  د انګلستان د خلکو پریکړه د نوموړي هیواد  لپاره  د خیر وسیله وګرځي.

ولسمشر اردوغان وویل چې د انګلستان د خلکو  دا پریکړه  هم  د انګلستان او هم  د اروپايي ټولنې لپاره  د یوې نوې دورې  پیل دی.

ولسمشر اردوغان  د ترکیې په قبال کې د اروپايي ټولنې په دریځ  د نیوکې سره وویل چې  په ټولنه کې د نژاد پرستۍ  او اسلام فوبیا  وروستۍ کچې ته رسیدلې ده . ددې مسلې نه څوک انکار کولی نشي. نن ورځ  د ترکیې سره د اروپايي ټولنې چلند  د اسلام فوبیا نه  بل څه ندی. د همدې امله په ټولنه کې د ترکیې د غړیتوب پر وړانډې  تل خنډونه رامنځته کوي.

نن ورځ  د موجودو دې ټولو ستونزو اصلي فاعل  ترکیه  نه  بلکې پخپله ټولنه ده . ولسمشر اردوغان په اروپايي ټولنې د عدالت غږ وکړ.

ولسمشر زیاته کړه چې د کډوالو  او انګلستان د جلا کیدو په مسلو کې باید  د اروپايي ټولنې په کړنلارو  او دریځ بیا کتنه وشي. دوی باید د روانو کړو اړوند په خپل ګریوان کې سر ښکته کړي او د ځان سره حساب وکړي.

که چیرې  په واقعي ډول سره  موجود سیاستونه او کړنلاره  وڅیړي  او د ځان سره  حساب وکړي  په طبعي ډول سره  ترکیه د ټولنې غړیتوب  ترلاسه کوي.

که چیرې دوی دا کار ونکړي او موجودو کړنلارو او سیاستونو ته دوام وکړي لا زیات  د جلا غوښتنو سره  به مخامخ شي.

ولسمشر اردوغان وویل چې اروپا زمونږ رقیب  ندی. اروپا هغه  جغرافیه ده چې مونږ غواړي د لا روښانه راتلونکي  او ګډ طاقت په خاطر په ګډه  حرکت وکړو.  

هغه وویل چې نن ورځ په اروپا کې څه باندې  ۶ میلیونه تنه ترکان  ژوند کوي. ددوی د راتلونکي په اړه هره مسله  د ترکیې مسله ده.

ترکیه  د ټولنې غړیتوب ته د نوماند هیواد په صفت دا پرمختګونه د نږدې نه تعقیبوي.