پر جرمني د اردوغان نيوكې دوام لري.
ولسمشر رجب طيب اردوغان د جرمني په پارلمان كې د تش په نامه ارمني نسل وژنې د طرحې د قبلېدو په غبرګون كې وويل چې جرمني بايد لومړى د هولوكاسټ حساب وركړي.
اردوغان چې پرون د استانبول په يو پوهنتون كې زده كوونكو ته وينا اوروله، په دويمې نړيوالې جګړې كې د نازي جرمني لخوا د يهودانو د نسل وژنې پېښې ته په ا شارې سره وويل چې د تش په نامه نسل وژنې د په رسميت پېژندلو په برخه جرمني بايد وروستى هېواد وي چې دا كار و كړي.
اردوغان زياته كړه چې دولتونه هم لكه د انسانانو په څېر د خپل تېر تاريخ سره ياديږي. د تركانو په تاريخ كې د سلجوقيانو، عثمانيانو او بابري امپراتورۍ لخوا د علم او كلتور په ډګر كې خدمات او آثار ټولو ته معلوم دي. د ټولې نړۍ سره د انسانيت په نامه د تركيې مرسته او همكاري هم د قدر وړ ده.
اردوغان همداراز په افريقايي هېوادونو كې د لوديځو هېوادونو استعمار ته هم اشاره وكړه او څرګنده يې كړه زموږ اجدادو نه يواځې په افريقا كې د استعمار په كثافت نه دي ككړ شوي بلكې د استعماري هېوادونو پر وړاندې يې د خپل توان هومره سيمه ايز مقاومت سره مرسته او همكاري كړې ده.
ولسمشر وويل چې `` نن ورځ هغه هېوادونه چې موږ ته د بشري حقونو درس راكوي، د تاريخ پاڼې يې د افريقا په لويه وچه وينې، اوښكو، نسل وژنو او عاموژنو په كرغېړنو پېښو سينګار شوي دي.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل