په حقاري کې یو تن سرتیری په شهادت ورسید

د ترکیې د حقاري ولایت د داغلي جه په سیمه کې  د ترهګرو او امنیتي ځواکونو ترمنځه په نښته کې یو تن سرتیری په شهادت ورسید.

د هیواد د امنیتي سرچینو د معلوماتو له مخې  د داغلي جه په ولسوالۍ کې  د عراق سره په پوله کې  د کورکي  په تپه کې د پې کاکا ترهګرې ډلې  د جنګیالیو د تثبیت نه وروسته د هوايي ځواکونو په ملاتړ عملیات پیل شول. د عملیاتو پر مهال  د ترهګرو او امنیتي ځواکونو ترمنځه نښته وشوه چې له امله يي یو تن سرتیری په شهادت ورسید.

په عملیاتو کې  ترهګر هم  له منځه یوړل شول. د ترکیې وسله وال ځواکونه  د هیواد دننه او د عراق په شمال کې  د پې کاکا ترهګرې ډلې ته  د سر د پورته کولو  فرصت  نه ورکوي.

د ترکیې وسله والو ځواکونو  د هیواد په دننه کې د باسیان، چوقورجه، د عراق په شمال کې د زب، هارکوک، ګارا، میتینا، قندیل، هافتین، ګوانیاکورکي او یو زیات شمیر نورو سیمو  کې په ترسره کړو هوايي عملیاتو کې  د پې کاکا ترهګرې ډلې اړوند  ۹۸ پټنځایونه، د وسلو او مهماتو ډیپوګان، موضعګانې  او مرکزونه  له منځه یوړل.

د هیواد وسله والو ځواکونو ویلي دي چې  د هیواد په دننه او بهر کې به د پې کاکا او داعش ترهګرې ډلې پر خلاف عملیاتو ته دوام وکړي.

د بله پلوه  د سوریې د حلب ښار په شمال کې  د داعش  یو زیات شمیر پټنځایونه او مرکزونه  د توپخانې د بریدونو سره  له منځه وړل شوي دي.

د ترکیې لخوا په سیمه د توپخانې د بریدونو سره سم  نړۍوالو ایتلافي ځواکونو هم  په سیمه کې د داعش په مرکزونو هوايي بریدونه ترسره کړي چې له امله يي لږ تر لږه ۴۵ تنه  داعشیان وژل شوي دي.