ترکیه په قطر کې عسکري هډه جوړوي.
ترکیه د منځني ختیځ پدې حساس دوران کې په قطر کې عسکري هډه جوړوي
د ترکیې لومړي وزیر احمد داوود اوغلو قطر ته د خپل رسمي سفر په ترڅ کې د نوموړي هیواد د لومړي وزیر شیخ عبدالله سره د دوه په دوه او هیتانو ترمنځه لیدنه وکړه.
د لیدنې نه وروسته د دواړو هیوادونو ترمنځه په قطر کې د ترکیې لخوا د عسکري هډې د جوړولو اړوند تړون لاسلیک شو.
لومړي وزیر داوود اوغلو د تړون د لاسلیک نه وروسته وویل چې ترکیه به هیڅوخت خپل دوستان یواځې پرینږدي. همداشان هغه د قطر لخوا په ترکیې د پوره اعتماد او باور له امله مننه وکړه.
د ویلو ده چې په منځني ختیځ کې پداسې یو حساس وخت کې په قطر کې د ترکیې لخوا د عسکري هډې جوړول ځانګړې اهمیت لري.
همداشان د ترهګرۍ پر وړاندې نړۍواله مبارزه، د سیمې په هیوادونو کې موجوده سیاسي ناڅرګندي او ګډې امنیتي ستونزې په قطر کې د ترکیې د عسکري هډې اهمیت څو برابره ډیروي.
د ویلو ده چې ترکیه دم ګړۍ په قطر کې څه باندې ۳۰۰ تنه سرتیري لري. همداشان د عسکري هډې د جوړولو د چارو د پایته رسیدو سره به د سرتیرو شمیره د زرو تنو ته لوړه کړی شي.
ترکیه به پدې عسکري هډه کې د هوايي او سمندري ځواکونو سربیره ځانګړې ځواکونه او روزونکي ځای په ځای کړي.
همداشان ترکیه به په قطر کې د عسکري هډې نه د روزنې او ګډو تطبیقاتو په برخه کې استفاده وکړي.
ددې هډې د جوړیدو سره به ترکیه په نړۍ کې دویم هیواد شي چې په قطر کې د امریکا نه وروسته تر ټولو لویه عسکري هډه خاوند کیږي.
د هیواد لومړي وزیر احمد داوود اوغلو په قطر کې د لیدونو کتنو په چوکاټ کې د میشتو ترکي ځواکونو نه لیدنه وکړه او وروسته د قطر په پوهنتون کې د زده کوونکو پوښتنې ځواب کړې.
لومړي وزیر داوود اوغلو په قطر کې د حماس د سیاسي دفتر د مشر خالد مشعل سربیره د سوریې د مخالفیو د مذاکرې د هیت د مشر ریاض حجاب سره هم ولیدل.
اړوند خبرونه
ولسمشر اردوغان د مې ۲۹ مه د استانبول د فتحې د ۵۷۱ مې کلیزې په مناسبت مبارکۍ پیغام خپور کړ.
د تورکیې ولسمشر رجب طیب اردوغان وویل چې د استانبول فتحه د تاریخ له سترو بریاوو څخه وه.