د ناټو مشر ترکیې ته راغې

د ناټو عمومي مشر ینس ستولتنبرګ د جولای په ۸ مه نيټه په وارسا کې جوړیدونکي د ناټو د سرمشریزې د تیاریو په مسلې د خبرو کولو په خاطر ترکیې ته راغی.

ینس ستولتنبرګ پرون شپه د لومړي وزیر احمد داوود اوغلو سره د چانکایا په مانۍ کې لیدنه وکړه.

پدې لیدنه کې د وارسا د سرمشریزې د تیاریو د مسلې سربیره د ترکیې په سویل ختیځو ولایتونو کې په روانو عسکري عملیات او د پولو د امنیت په مسلو هم خبرې وشوې.

پدې لیدنه کې د داعش ترهګرې ډلې پر خلاف په روانې مبارزې او په سوریه او عراق کې په رامنځته شوو وروستیو پرمختګونو هم خبرې وشوې.

د ناټو مشر د ایژې په سمندر کې د انسانانو د قاچاق د مسلې نه هم یادونه وکړه او پدې اړه د جدي تدابیرو نیولو غوښتنه وکړه.

د ناټو مشر ستولتنبرګ به نن د ولسمشر رجب طیب اردوغان لخوا حضور ته ومنل شي.

پدې لیدنه کې به هم د وارسا د سرمشریزې د تیاریو د مسلې سربیره د ترکیې په اړه د ناټو په امنیتي تدابیرو هم خبرې وشي.

په لیدنه کې به په سوریه او عراق کې په وروستیو پرمختګونو، د داعش پر خلاف په مبارزې، منځني ختیځ، منځني افریقا او په ایژې سمندر کې د ناټو په فعالیتونو هم خبرې وشي.