د جرمني لومړۍ وزیره مرکل ترکیې ته راځي
د جرمني لومړۍ وزیره انګیلا مرکل د یکشنبې په ورځ ترکیې ته راځي
د جرمني لومړۍ وزیره انګیلا مرکل د یکشنبې په ورځ د یو رسمي سفر په ترڅ کې ترکیې ته راځي. مرکل به په انقره کې د ولسمشر رجب طیب اردوغان سربیره د لومړي وزیر احمد داوود اوغلو سره هم لیدنه وکړي. پداسې حال کې چې تمه کیږي مرکل پدې لیدنه کې د سوري کډوالو په مسلې خبرې وکړي ترکیه په پام کې لري چې مرکل ته خپل ۶ شرطونه وړاندې کړي.
مرکل د ترکیې نه غواړي چې اروپا ته د کډوالو د تګ راتګ مخه ونیسي او په اروپا کې نیول کیدونکي کډوال بیرته ترکیې ته اعاده کړي او د ترکیې په پولو کې په کمپونو کې ځای په ځای کړی شي.
د بله پلوه ویل کیږي ترکیه به مرکل ته خپل شرطونه په لاندې ډول وړاندې کړي. ترکیه به د مرکل نه د ترکانو لپاره په اروپا کې د ویزې د معافیت، ۲ عشاریه ۵ میلیاردو ایرو مرستې، د کډوالو لپاره د کمپونو، د سمندر د اخلال او په اروپايي ټولنه کې د ترکیې د پوره غړیتوب د مذاکراتو په برخه کې د دوو نوو فصلونو د پرانیستو غوښتنه وکړي.
اړوند خبرونه
ولسمشر اردوغان : د تورکیې لپاره نوی اساسي قانون یوه جدي اړتیا ده
د تورکیې ولسمشر رجب طیب اردوغان وویل چې نوی اساسي قانون به د هیواد د ستونزو د حل لاره لا ګړندۍ کړي.
د تورکیې ملي شورا د تورکیې او فلسطین ترمنځ لاسلیک شوي تړونونه تصویب کړل.
د تورکیې ملي شورا د تورکیې او فلسطین ترمنځه لاسلیک شوي دوه تړونونه تصویب کړل