په بهرنیو رسنیو کې د ترکیې انعکاس

د اروپا خبري اژانس  ایررو نیوز « اردوغان : له بده مرغه چې  لویدیځ د ترهګرۍ پر وړاندې په مبارزه کې زمونږ نه لازم ملاتړ نکوي  » د سرلیک لاندې لیکلي دي د ترکیې ولسمشر رجب طیب اردوغان  د جولای په ۱۵مه د فتح الله ګولن ترهګریز سازمان او موازي دولت جوړښت لخوا د ترسره شوې کودتا د ناکامې هڅې  په اړه وویل چې، د کودتا سناریو په بهر کې لیکل شوې ده. هغه  د لومړي ځل لپاره  دې مسلې اړوند  لویدیځې نړۍ ته اشاره وکړه   . په خبر کې راغلي دي چې ولسمشر اردوغان په لویديځې نړۍ غږ وکړ چې  « دا څه ډول ستراتیژیک  شراکت او اتفاق دی؟ تاسې  زمونږ څه ډول  ستراتیژيک  شریکان او متفقین یاست؟  هغه  کس  چې  د ترکیې ملي امنیت د شورا  تر پټو راضونو او اسنادو پورې ځان رسولی دی  او د ترکیې د منتخب حکومت او دولت د نسکورولو هڅه  کړې  ستاسې نه غواړو او تاسې  په پخپل هیواد کې د هغه حمایې او ملاتړ ته دوام ورکوۍ. ایا  د لویدیځ  دا دریځ  او چلند په ښکاره توګه د ترهګرو نه ملاتړ دی او که بل څه.  ایا لویدیځ ددې دریځ سره  د ډیموکراسۍ  پلوي کوي او که د کودتا؟ له بده مرغه چې  لویدیځه نړۍ د ډیموکراسۍ پر ځای کودتاچیانو  او ترهګرو نه ملاتړ ته دوام ورکوي.

د اذربایجان خبري اژانس  ترند نیوز اجنسي  هم  د فتح الله ګولن ترهګریز سازمان د مشر فتح الله ګولن د اعادې مسلې په اړه خبر ته ځای ورکړی دی .

یاد شوي خبري اژانس  پدې اړه  د ترکیې د ملي شورا د بهرنیو اړیکو د کمیسیون د ریس له قوله لیکلي دي چې  امریکا باید د فتح الله ګولن  پر سر  د ترکیې سره اړیکې قرباني  نکړي. په خبر کې راغلي دي چې  په ترکیه کې  د کودتا د ناکامې هڅې نه وروسته  د ترکیې د ملي شورا د بهرنیو اړیکو د کمیسیون د ریس په مشرۍ  یو هیت  امریکا متحده ایالتونو ته سفر کړی دی. ددې سفر موخه  په ترکیه کې د جولای د ۱۵ مې کودتا په اړه  امریکايي مقاماتو، مدني ټولنو او خلکو ته  پوره معلومات ورکول دي. په خبر کې راغلي دي چې  د ترکیې د ملي شورا  دې هیت  د امریکا د بهرنیو چارو او عدلیې د وزارت د چارواکیو سره لیدنې کړي دی. پدې لیدونو کې په ترکیه کې د ترسره شوې کودتا په اړه امریکايي مقاماتو ته پوره معلومات ورکړ شوي  او د فتح الله ګولن د اعادې په مسلې خبرې شوي دي.

ددې هیت  مشر  طه اوزخان  خبري رسنیو ته ویلي دي چې  امریکايي چارواکیو ته يي بشپړ معلومات ورکړل . امریکا باید  د یو ترهګر په سر ترکیې سره خپلې اړیکې قرباني نکړي.

په قطر کې خپریدونکي  د الجزیرې  تلویزیون  « اروپا د اردوغان نه ملاتړ وکړه  » د سرلیک لاندې لیکلي دي  چې د سویډن پخواني لومړي وزیر کارل بیلټ  په ترکیه کې د ترسره شوي کودتا په اړه  د اروپايي ټولنې د مشرانو په دریځ  او چلند  سختې نیوکې کړي دي.

په خبر کې  رغلي دي چې  نوموړي  ( اروپا د اردوغان ترڅنګ  ودریږه  )  تر عنوان لاندې  مقاله خپره کړې ده .

نوموړي په مقاله کې په اروپايي مشرانو غږ کړی دی « که چیرې  د کودتاګانو پر وړاندې  قوي مبارزه  او سخت غبرګون څرګند نکړۍ  دا به  په نړۍ کې  د اروپايي ټولنې ارزښتونه  د  پوښتنې لاندې راولي . »

د ایران دولتي خبري اژانس  ایرنا   « په مشهد کې د ترکیې جنرال قونسل: په ترکیه کې د روانو پیښو په اړه  د ایران دریځ  د تقدیر وړ  دی  »  د سرلیک لاندې  په مشهد کې د ترکیې د جنرال قونسل څرګندونو ته ځای ورکړی دی . په خبر کې  په مشهد کې د ترکیې د جنرال قونسل محمد دوغان له قوله لیکلي دي چې  په ترکیه کې د رامنځته شوو پیښو په اړه  د ایران دریځ  د تقدیر وړ دی. نوموړي ویلي دي چې ایران  پدې سختو شرایطو کې خپله دوستي  په وښودله او د ایران د ملت تر څنګ  ودرید. هغه ویلي لکه څرنګه چې  په ایران د لګیدو بندیزونو په موده کې  ترکیې د خپل ستراتیژیکو متفقینو د ټولو  هلو ځلو پر خلاف  د ایران ترڅنګ ولاړ وو نن وار د ایران رارسیدلی دی . دا همغږي او خواخوږي د دواړو ملتونو ترمنځه د قوي اړیکو  ښکارندويي کوي.