د روغتیا نړۍوال سازمان : اسرائیل په غزه کې د اوبو نه د وسلې په توګه کار اخلي

د روغتیا نړیوال سازمان د بیړنیو حالاتو رئیس وویل چې اسرائیل په غزه کې د اوبو نه د وسلې په توګه کار اخلي.  هغه د غزې وضعیت په یو ټکي لنډ بیان کړ . هغه وویل چې  "اسرائیل اوبه د وسلې په توګه کاروي." د شفا روغتون په ډله ایز قبر بدل شوی دی.

هغه د غزې د شفا روغتون د تخلیې جزئیات بیان کړل. هغه وویل چې  د شفا روغتون نه د تخلیه شوو کسانو په کاروان برید شوی . هغه وویل چې په غزه کې د مړو دقیق شمیر معلوم نه دی. هغه وویل، «شفا روغتون اوس یو ډله ایز قبر دی. "موږ په عادي توګه په شفا روغتون کې ۷۵۰ ناروغان ځای په ځای کولی شو. روغتون ټولې څانګې درلودې . زه واقعیا بې وسه یم. هو، زما مطلب دا دی چې  څه ډول یو څوک د داسې لوی روغتون څخه د ډیرو مرګونو تمه وکړي.

 په ځانګړې توګه د جګړې په ډګر کې. له بده مرغه، ډیری کسانو چې دې روغتون ته پناه راوړې وه او خپل خپلوان يي د لاسه ورکړي دي، د خپلو مړو د ښخولو لپاره ځای نلري. نشي کولی خپل مړي خښ کړي.دوی نشي کولی د روغتون له ډګر څخه ووځي چې د همدې امله دا  روغتون په ډله ایز قبر بدل شوی دی." د روغتون په انګړ کې ډیری کسان په ډله ایز توګه خښ شوي دي.

هغه وویل چې ددې سربیره خلک  د ولګې او تندې له امله هم ژوند د لاسه ورکوي.

هغه یادونه وکړه چې د اسرائیلو لخوا پر سیمه د تیلو قطع کولو  د اوبو مشکل ډیر ژور کړی دی. په لنډه توګه اسرائيل "دا اوبه د وسلې په توګه کاروي." زه فکر کوم چې موږ تر ۲۰ زره  لیترو ډیر تیلو ته اړتیا لرو. تر هغه ځایه چې زه پوهیږم، د تصفې کارخانې، په روغتونونو کې جنراتورونه او امبولانسونه به کار وکړي. هغه وویل، "دا به مبالغه نه وي چې ووایو چې د مرستې لارۍ، په حقیقت کې تیل، په غزه کې د بشردوستانه عملیاتو ژوند دی."

د یادولو وړ ده چې په غزه باندې د تیرو ۴۵ ورځو راهیسې په روانو بریدونو کې د مړو شمیره د ۱۳۰۰۰ تنو نه اوښتې ده. د ویلو ده چې په وژل شوو کسانو کې تر ۵۵۰۰ تنو ډیر يي ماشومان او تر ۳۵۰۰ تنو ډیر يي ښځې دي.