ناروې د روسیې سفارت ۱۵ تنه ډیپلوماتانو د جاسوسۍ په تور د شړولو پریکړه وکړه.
ناروې د روسیې پر مقابل کې یو بل مهم ګام اوچت کړ
ناروې د روسیې سفارت ۱۵ تنه ډیپلوماتانو د جاسوسۍ په تور د شړولو پریکړه وکړه.
د ناورې د بهرنیو چارو وزیرې انیکن هویتفیلډ په یوه بیان کې وویل چې دا پریکړه "په ناروې کې د روسیې د استخباراتي فعالیتونو د نفوذ د کمولو او مبارزې او د هیواد د ملي ګټو د خوندي کولو په لاره کې یو خورا مهم ګام دی.
هویتفیلډ په دې ټینګار سره چې ۱۵ تنه روسي ډیپلوماتان چې " نامطلوب اشخاص" اعلان شوي باید ژر تر ژره له هیواد څخه ووځي.
"موږ به هغه استخباراتي افسرانو ته چې د ویزې غوښتنه کوي د ناروې ویزه ورنکړو."
هویتفیلډ په دې اړه جزئیاتو ورکولو نه چې ایا حکومت دا پریکړه د یوې ځانګړې پیښې پراساس کړې ډډه وکړه ، او ویې ویل چې د هیواد داخلي استخبارات به پدې اړه لازم معلومات د ټولو سره شریک کړي.
هویتفیلډ وویل چې د اخراج شويو ډیپلوماتانو فعالیتونو د دوی د ډیپلوماتیک دریځ سره مطابقت او سمون نه درلود. هغې وویل چې ،
"موږ د عادي ډیپلوماتانو په اړه خبرې نه کوو، د استخباراتي افسرانو په اړه خبرې کوو چې د ډیپلوماتیکو فعالیتونو په پلمه يي استخباراتي فعالیتونه کول."
له بلې خوا، په ناروې کې د روسیې سفارت دا پریکړه یو "ډیر دښمنانه ګام" وباله او اعلان یې وکړ چې روسیه به خامخا بالمثل ګام اوچت کړي.
وزیرې هویتفیلډ د بالمثل اقداماتو د ترسره کیدو اړوند څرګندونو په اړه غبرګون وښود.
هغې وویل چې "روسیه د ځواب ویلو لپاره هیڅ دلیل نه لري. موږ په روسیه کې د ناروې ډیپلوماتان لرو، خو هیڅ یو یې د استخباراتو افسران نه دي."
هویتفیلډ وویل چې هیواد یې غواړي له روسیې سره عادي ډیپلوماتیکې اړیکې ټینګې کړي.
"موږ هغه کسان نه غواړو چې د ډیپلوماتانو ادعا کوي، مګر په حقیقت کې د استخباراتو افسران دي."
ناروې تېر کال درې روسي ډیپلوماټان د استخباراتي مامورینو په تور له هېواده شړلي وو.
اړوند خبرونه
اوکراین ولسمشر پرتګال او اسپانیا ته خپل سفر لغوه کړ.
د اوکراین ولسمشر ولادیمیر زیلینسکي اسپانیا او پرتګال ته خپل پلان کړی سفر لغوه کړ.