په امریکا کې د زورورو توپانونو له امله په لسګونو تنو ژوند د لاسه ورکړی
د امريکا په منځني لويديځ او جنوبي ايالتونو کې د توپانونو له امله په لسګونو تنو ژوند د لاسه ورکړی دی.
د امريکا په منځني لويديځ او جنوبي ايالتونو کې د توپانونو له امله په لسګونو تنو ژوند د لاسه ورکړی دی.
د امریکا د هوا پېژندنې ملي ادارې ویلي دي چې له تیرې شپې څخه تر پرون سهار پورې په ۸ ایالتونو په ځانګړي توګه آرکنساس ، مسیسیپي ، آیووا ، ټینیسي ، الینوس او ویسکونسن کې په پراخه ساحه کې له ۵۷ څخه ډیر توپانونه ثبت شوي دي.
د نوموړو توپانونو له امله په ټولیزه توګه ۲۶ تنو خپل ژوند له لاسه ورکړی . په ټینیسي کې ۹ تنو، په ارکنساس کې ۵ تنو، په انډیانا کې ۳ تنو، په ایلینوس کې ۴ تنو، په میمفس کې ۳ تنو چې دوه تنه یې ماشومان دي او په مسیسپي او الاباما کې یو یو تن خپل ژوند له لاسه ورکړی دی.
د ویلو ده چې ددې توپانونو په نتیجه کې د پنسلوانیا او ویرجینیا په ګډون په یو زیات شمیر سیمو کې د څه باندې ۱۵۰ زرو کورنو او کارځایونو برښنا پرې شوې ده.
د چارواکیو په وینا ددې توپانونو په نتیجه کې د رامنځته شوو زیانونو د تثبیت چارې پيل شوي دي.
اړوند خبرونه
اوکراین ولسمشر پرتګال او اسپانیا ته خپل سفر لغوه کړ.
د اوکراین ولسمشر ولادیمیر زیلینسکي اسپانیا او پرتګال ته خپل پلان کړی سفر لغوه کړ.
