د امریکا د بهرنیو چارو وزارت ویاند : مونږ غواړو چې د تورکیې دفاعي اړتیاوې پوره کړو

د امریکا د بهرنیو چارو د وزارت ویاند نید پرائس وویل چې دوی د ناټو د یو مهم متحد هیواد تورکیې د دفاعي اړتیاوو پوره کولو ته چمتو دي .

نیډ پرائس، په ورځني مطبوعاتي کنفرانس کې، د ۲۰۲۳ کال  د ملي دفاع د واک ورکولو د قانون نه  تورکیې باندې  د F-16  د خرڅلاو په برخه کې لګول شوو بعضو محدودیتونو د لیرې کولو په اړه پوښتنې ځواب کړې. هغه وویل چې

"بې له شکه چې تورکیه د ناټو یو مهم متحد او یو مهم امنیتي شریک دی. مونږ غواړو چې خپل دفاعي ظرفیتونه یو ځای کړو او هغه څه چې تورکیه ورته د  سترو ګواښونو پر وړاندې  د مقابلې لپاره اړتیا لري  هغه چمتو کړو. د ناټو یو غړی هیود هم په خپله خاوره کې د تورکیې په اندازه د ترهګرۍ د ګواښونو سره مخامخ ندی. د همدې امله پر امنیتي برخو کې همکاري زموږ لپاره خورا ارزښت لري."

هغه ددې خبرې په یادونې سره وویل  چې ولسمشر رجب طیب اردوغان او د امریکا ولسمشر جوبایډن د جون په میاشت کې په مادرید کې د ناټو په سرمشریزه کې د لیدنې پر مهال پر دې مسلې خبرې وکړې، په ټیټه کچه هم بحثونه شوي او د امریکا د بهرنیو چارو وزارت په دې اړه له کانګرس سره خبرې کړې دي.