ننسي پلوسي د چین د ټولو اخطارونو سره سره ټایوان ته سفر وکړ
ټایوان ته د امریکا متحده ایالتونو د استازو د مجلس مشره نانسي پلوسي سفر د چین او امریکا ترمنځه نوې ناندرۍ پیل کړې.
ټایوان ته د امریکا متحده ایالتونو د استازو د مجلس مشره نانسي پلوسي سفر د چین او امریکا ترمنځه نوې ناندرۍ پیل کړې. د چین د مکررو اخطارونو او ګواښونو سره سره پلوسي د استازو د مجلس د یو پلاوي په ملګرتیا ټایوان ته سفر وکړ.
هغه الوتکه چې د امریکا د متحده ایالتونو د استازو د مجلس مشره نانسي پلوسي او د کانګرس پنځه کسیز پلاوی پکې سپاره وو، پرون ماښام په ساعتونو کې تایوان ته ورسیده.
د مالیزیا له پلازمینې کوالالمپور څخه تر وتلو وروسته، د «بوینګ C-40» پوځي الوتکه چې نانسي پلوسي او د هغې ملګري یې په کې سپاره وو، له ختیځ څخه د تایوان فضایي حریم ته داخله شوه او د پلازمینې تایپي په سنګشان هوايي ډګر کې ښکته شوه.
پیلوسي په خپل ټویټر پاڼه کې په خپور کړي پيغام کې ، ټینګار وکړ چې د تایوان مشرتابه سره د هغې خبرې به "د ګډو ګټو ملاتړ وکړي". هغې زیاته کړې ده ،
"د تایوان له مشرتابه سره زموږ خبرې اترې به زموږ د دوستانو زموږ ملاتړ یو ځل بیا تایید کړي او زموږ ګډو ګټو ته به وده ورکړي. زمونږ موخه د یوې آزادې او پرانیستې هند - آرام سمندر سیمې ته وده ورکول دي. دا سفر د تایوان د ډیموکراسۍ د قوي ملاتړ په برخه کې د امریکا متحده ایالتونو د قوي ژمنې ښکارندويي کوي."
له بلې خوا، ګلوبل ټایمز، د چین د کمونست ګوند مطبوعاتي ارګان راپور ورکړ چې د چین Su-35 جنګي الوتکې د تایوان تنګي څخه تیرې شوې کله چې د پلوسي الوتکه تایوان ته نږدې شوه.
پلوسي د کانګرس د پنځه کسیز پلاوي سره سنګاپور او مالیزیا ته د سفر نه وروسته ټایوان ته سفر وکړ.
د امریکا د استازو مجلس د مشرې په رسمي ویب پاڼه کې د هند - پاسیفیک سیمې ته د سفر د برنامې په اړه په خپور شوي بیان کې ، تایوان د هغې سفر شامل نه وو. په تمځایونو کې سینګاپور ، مالیزیا ، سویلي کوریا او جاپان شامل وو.
۸۲ کلني پلوسي د اپریل په میاشت کې تایوان ته سفر پلان کړی وو خو په کرونا ویروس د اخته کیدو نه وروسته خپل سفر لغوه کړې وو.
چین ددوې د ټولو خبرداریو او اخطارونو سره سره ټایوان ته د پلوسي د سفر نه وروسته په بیجینګ کې د امریکا سفیر بهرنیو چارو وزارت ته احضار کړ.
همداشان چین د ټایوان پر خلاف د ځينو ګامونو په اوچتولو هم پیل کړی دی.
اړوند خبرونه
د روسیې ولسمشر ولادیمیر پوتین چین ته خپل دوه ورځنی سفر نن پیل کړ.
پوتین چین ته د خپل سفر نه مخکې د چینایي رسنیو سره هم مرکه وکړه.