نړۍوالې ټولنې د اوکراین په بوچا ښار کې د روسي لخوا ترسره شوی قتل عام په کلکو ټکو وغنده
ناټو سازمان ، امریکا ، انګلستان ، اروپايي ټولنې او یو زیات شمیر هیوادونو د روسیې لخوا د اوکراین په بوچا ښار کې ترسره شوی قتل عام په ډیرو کلکو ټکو وغنده.
ناټو سازمان ، امریکا ، انګلستان ، اروپايي ټولنې او یو زیات شمیر هیوادونو د روسیې لخوا د اوکراین په بوچا ښار کې ترسره شوی قتل عام په ډیرو کلکو ټکو وغنده.
د ناټو سازمان عمومي سکرتر ینس سټولټنبرګ ویلي، په اوکراین کې د ملکي وګړو پر وړاندې د روسیې "ظلم" د منلو وړ نه دی او مسئول کسان باید محاکمه شي.
ینس سټولټنبرګ د امریکا د تلویزیوني چینل CNN "د ټولنې وضعیت " پروګرام کې خبرې وکړې.
سټولټنبرګ په اوکراین کې د روسي ځواکونو له خوا د ترسره شوو جنګي جرمونو د تورونو په اړه خبرې کوي.
"د ملکي وګړو په وړاندې دومره وحشت موږ په اروپا کې په لسیزو کې نه دی لیدلی. د ملکي وګړو په نښه کول او وژل په بشپړه توګه د منلو وړ نه دي.
ستولتنبرګ د دې په بیانولو سره چې دغه وحشت وښوده چې جګړه باید پای ته ورسیږي، د روسیې د ولسمشر ولادیمیر پوتین مسئولیت دی چې د دې جګړې مخه ونیسي.
سټولټنبرګ ټینګار وکړ چې دا د جرمونو نړیوالې محکمې لپاره خورا مهم دی چې په اوکراین کې د احتمالي جنګي جرمونو په اړه تحقیقات پیل کړي، ټول حقایق د میز په سر کېږدي او مسؤل کسان څخه د حساب پوښتنه وکړي.
"له همدې امله زه د جرمونو د نړیوالې محکمې لخوا د تحقیقاتو هرکلی کوم."
د ملګرو ملتونو سرمنشي انتونیو ګوتریش د دې موضوع په اړه په یوه بیان کې ویلي چې د اوکراین په بوچا ښار کې د وژل شویو ملکي وګړو جسدونو هغه ته ټکان ورکړی دی.
"یوه خپلواکه څیړنه د اغیزمن حساب ورکولو لپاره اړینه ده،" ګوټریش د ملکي تلفاتو په اړه د تحقیقاتو غوښتنه وکړه.
د امریکا د متحده ایالاتو د بهرنیو چارو وزیر انتوني بلینکن په بوچا ښار کې د ملکي وګړو د جسدونو د موندلو له امله روسیه غندلې ده.
بلینکن ، د ټولنیزې مډیا له لارې د پیغام په خپرولو سره ویلي دي چې
"موږ په بوچا او په ټول اوکراین کې د کرملین ځواکونو ښکاره وحشت په کلکه غندو."
بلینکن وویل چې ، دوی به له هرې موجودې وسیلې څخه کار واخلي ترڅو د ملکي خلکو د قتل عام مسؤلینو ته سزا ورکړي ، تاوتریخوالی مستند کړي او دا معلومات شریک کړي.
د انګلستان لومړي وزیر بوریس جانسن هم ویلي چې د اوکراین په ارپین او بوچا ښارونو کې پر بې ګناه ملکي وګړو د روسیې "ناوړه بریدونه" د دې نور ثبوت دی چې ولسمشر پوتین او د هغه پوځ "جنګي جرمونه" کوي.
په خپل لیکلي بیان کې ، بورس جانسن وویل چې د کرملین څخه انکار یا غلط معلومات نشي کولی هغه څه پټ کړي چې هرڅوک پوهیږي ریښتیا وي.
"پوتین بې وسه دی، د هغه یرغل ناکام دی، او د اوکراین هوډ هیڅکله پدې اندازه پیاوړی نه وو.".
هغه دې ته په اشارې سره چې دوی په اوکراین کې د ترسره شویو جرمونو په اړه د جرمونو د نړیوالې محکمې د تحقیقاتو په ملاتړ کې مخکښ دي، د بریتانیې لومړي وزیر هم اعلان وکړ چې دغه هیواد ته به نوي متخصص تحقیق کونکي وګمارل شي.
د یونان لومړي وزیر کریاکوس مچوتاکیس په خپله ټویټر پاڼه کې ویلي چې هېواد یې د اوکراین تر څنګ ولاړ دی.
"په بوچا کې د ملکي وګړو په وړاندې جنایتونه ویرونکي دي. عاملین باید حساب ورکړي."
د ایټالیا لومړي وزیر ماریو دراګي په خپل لیکلي بیان کې ویلي چې د بوجا او نورو ښارونو عکسونه "حیرانونکي" دي.
په بیانیه کې راغلي دي: «د بې وسلې ملکي وګړو د قتل عام وحشت ویرونکی او د نه زغملو وړ دی، د روسیې چارواکي باید ژر تر ژره دښمنۍ ته د پای ټکی کېږدي، د ملکي وګړو په وړاندې تاوتریخوالی ودروي او د هغه څه په اړه حساب ورکړي چې په دې اړه ترسره شوي دي.» ایټالیا دغه وحشت په کلکه غندي دا د اوکراین او د هغه د اتباعو سره بشپړ پیوستون دی."
د هسپانیا لومړي وزیر پیډرو سانچیز په پلازمېنه مادرید کې په خپله وینا کې استدلال وکړ چې د اوکراین پلازمېنې کییف ته څېرمه له بوچا ښار څخه د روسي پوځیانو په وتلو سره د ملکي وګړو د وژل کېدو انځورونه د دې ثبوت دی چې جنګي جنایت ترسره شوی دی.
سانچیز وویل: "موږ به هر ممکنه هڅه وکړو چې ډاډ ترلاسه کړو چې هغه چا چې دا جنګي جنایتونه کړي دي بې سزا نه پاتې کیږي، او هغه څوک چې د دې پیښې لامل شوي، چې د بشریت په وړاندې نسل وژنه هم بلل کیدی شي، د نړیوالې جنایي محکمې په وړاندې حساب ورکوونکي وي."
د اوکرایین پوځ چې د اپرېل په لومړۍ نېټه یې د اوکراین پلازمېنې کییف ته څېرمه د بوچا ښار له روسي ځواکونو څخه ازاد کړ، له جسدونو ډک ښار سره مخامخ شو، ودانۍ یې ویجاړې او کوڅې یې ویجاړې شوې وې.
اړوند خبرونه
د روسیې ولسمشر ولادیمیر پوتین چین ته خپل دوه ورځنی سفر نن پیل کړ.
پوتین چین ته د خپل سفر نه مخکې د چینایي رسنیو سره هم مرکه وکړه.
