په مکسیکو کې په یو جشن خونړی وسله وال برید شوی
د مکسیکو د ګواناخواتو په ایالت کې یوې وسله والې ډلې په یو کور کې په جوړ شوي جشن مراسمو وسله وال برید وکړ.
د ګواناخاتو د ایالت پولیسو ویلی دي چې تیره شپه د سانتا ماریا په سیمه کې یوې وسله والې ډلې په یو کور کې په جوړ شوي جشن مراسمو وسله وال برید کړی چې په نتیجه کې لږ تر لږه ۸ تنو ژوند د لاسه ورکړی دی.
پولیسو ویلي دي چې برید د درې تنو برید کوونکو لخوا شوی دی.
پولیسو ویلي دي کله چې د برید په اړه د راپور د ترلاسه کولو نه وروسته سیمې ته ورسیدل ۸ تنو ژوند د لاسه ورکړی وو.
برید کوونکي د پيښې د ځای نه په تیښه بریالي شوي وو.
د پيښې عیني شاهدانو خبري رسنیو ته ویلي دي چې دا برید د ۳ تنو لخوا وشو. برید کوونکو د یو سور رنګه موټر نه د راښکته کیدو نه وروسته په کور کې په جوړ شوي جشن مراسمو يي ډزې وکړې او وروسته په خپل موټر کې سپاره شول او د پيښې د ځای نه وتښتیدل.
پدې پیښه کې د یوې ښځې په ګډون ۸ تنو ژوند د لاسه ورکړی دی.
پولیسو د پيښې په اړه تحقیقات پيل کړي دي. پولیسو ویلي دي چې د پیښې په تړاو يي تر اوسه پورې څوک ندي نیولي خو د برید کوونکو د تثبیت او نیولو په خاطر عملیات پيل شوي دي.
