په امریکا متحده ایالتونو کې په اورلګیدنه کې ۳۵۰۰ موټرې وسوځیدې.
په امریکا کې د یو هوايي ډګر د موټر په تم ځای کې اورلګیدنې په زرګونو موټرې وسوځولې
د امریکا د فلوریدا په ایالت کې په یو هوايي ډګر کې د اورلګیدنې د رامنځته کیدو له امله ۳۵۰۰ موټرې وسوځیدې.
اورلګیدنه د فلوریدا ایالت د فورت مایرز د ښار په سویل لویدیځ کې د فلوریدا د نړۍوال هوايي ډګر د موټرو په تم ځای کې د کرايي موټرو په سیمه کې رامنځته شوې ده.
د سیمې د اور وژنې ادارې ویلي دي چې اورلګیدنه د جمعې په ورځ رامنځته شوې وه او نږدې لس جریبه سیمې ته خوره شوې وه.
د اورلګیدنې په پیل کې یواځې شل موټرې سوځیدلې وې خو تر څو چې اور لګیدنه تر کنټرول لاندې راوستل کیده په ۳۵۰۰ موټرې سوځیدلې وې.
د اور لمبې د ۱۸ ساعته دومداره هڅو نه وروسته تر کنټرول لاندې راغلې. ویل کیږي اورلګیدنې هوايي ډګر ته کوم زیان ندی رسولی.
همداشان په اورلګیدنه کې ځاني تلفات هم ندي رامنځته شوي.
د اورلګیدنې لامل تر اوسه پورې نامعلوم دی او د لامل د معلومولو په خاطر يي تحقیقات پيل شوي دي.
اړوند خبرونه
د روسیې ولسمشر ولادیمیر پوتین چین ته خپل دوه ورځنی سفر نن پیل کړ.
پوتین چین ته د خپل سفر نه مخکې د چینایي رسنیو سره هم مرکه وکړه.