په مکسیکو کې په وسله واله نښته کې ۱۹ تنه وژل شوي دي
په مکسیکو کې په وسله واله نښته کې لږ تر لږه ۱۹ تنه وژل شوي دي.
1391461
د مکسیکو د چیهواوا د ایالت لوی څارنوالۍ ویلي دي چې پدې ایالت کې د نشه يي توکو د دوو قاچاقبرو ډلو ترمنځه وسله واله نښته شوې ده چې په نتیجه کې لږ تر لږه ۱۹ تنو ژوند د لاسه ورکړی دی.
د چیهواوا د ایالت لوی څارنوالۍ د بیان په خپرولو سره ویلي دي چې دا نښته د یاد شوي ایالت دمادیرا په سیمه کې شوې ده.
د نښتې نه وروسته سیمې ته پولیسو تر رسیدو پورې ۱۹ تنو ژوند د لاسه ورکړی وو او ځینې کسان ټپیان شوي وو.
پولیسو د نښتې د سیمې نه ۱۸ ټوپکې، ۲ موټرې او ۲ هم لاسي بمونه نیولي دي.
د نښتې په اړه تحقیقات پیل شوي دي .
