امریکا په عراق کې د میشتو خپلو وګړو نه هر څه ژر ددې هیواد نه د وتو غوښتنه وکړه

په عراق کې د امریکا سفارت پدې هیواد کې د میشتو امریکايي وګړو نه غوښتنه کړې ده چې هر  څه ژر  د عراق نه ووځي.

د بله پلوه  د عراق لومړي وزیر د امریکا لخوا  په بغداد کې  د ایران د مشهور قومندان سلیماني د وژلو په اړه ډیر سخت غبرګون وښود.

هغه وویل چې  د سلیماني وژنه په سیمه کې  یو ډیر  خطرناک اقدام  دی  چې کیدای شي چې د ډیر سخت ویجاړونکي  جګړې  پيلوونکی  وي.

هغه  د امریکا لخوا د عراق په خاوره کې د قاسم سلیماني او مهدي المهندسي  وژل  په عراق کې د امریکا د حضور  او موجودیت  اړوند د ټولو  توافق نامو او تړونو سره  په ټکر کې  یو عمل  وباله. هغه ویلي دي چې  عراق  ددې توافق نامه او تړونونو نه  ښکاره تیری وکړ.