په امریکا متحده ایالتونو کې  د فوټبال د سیالۍ په نندارچیانو وسله وال برید شوی دی.

د امریکا د کالیفورنیا په ایالت کې  په وسله وال برید کې  ۴ تنه وژل شوي دي  او ۶ تنه نور ټپیان شوي دي.

پیښه  د کالیفورنیا  ایالت  د فرسنو  په ښار کې رامنځته شوې ده .

د یاد شوي  ښار  پولیسو  ویلي دي چې  برید کوونکي  په یو بڼ کې  د فوټبال د سیالۍ په نندارچیانو  ډزې  کړي دي.

په برید کې  ۴ تنو ژوند  د لاسه ورکړی  او ۶ تنه نور ټپيان شوي دي.

برید د امریکا په ځايي وخت  د ماښام په شپږو  بجو  رامنځته شوی دی.

د سیمې خبري رسنیو ویلي دي چې  پدې برید کې  ۳ تنو د پيښې په ځای کې  ژوند د لاسه ورکړی وو او یو تن بل په روغتون کې ساه ورکړه.

ویل کیږي  د پيښې ټپيان روغتونونو ته انتقال شوي دي چې د بعضو روغتیايي حالت يي د اندیښنې وړ  دی.

پولیسو ویلي دي چې ددې برید په تړاو تر اوسه پورې څوک نیول شوي ندي. برید کوونکی په تیښته بریالی شوی دی او د نیولو په خاطر يي عملیات پيل شوي دي.

پولیسو د برید کوونکي د تشخیصیدو په اړه هم  څه ندي ویلي.

د ویلو ده چې لنډه موده مخکې هم  په همدې ایالت کې په یو ښوونځي  وسله وال برید وشو چې په نتیجه کې ګن شمیر زده کوونکو ته مرګ ژوبله واوښته.