په ناروې کې پر ملکي وګړو  د امبولانس  پر مټ  برید وشو.

د ناروې په پلازمینه  اوسلو کې  دوو تنو برید کوونکو  د یو تښتولي امبولانس سره په خلکو برید وکړ.

هغوې یو زیات شمیر کسان د امبولانس  لاندې  کړل.

د ناروې  پولیسو  د پيښې په اړه ویلي دي چې د پلازمینې  اوسلو  د تورشو په سیمه کې  یو امبولانس  د دوو  تنو وسله والو برید کوونکو لخوا وتښتول شو.

برید کوونکو وروسته د تښتولي امبولانس سره  په خلکو برید وکړ . پدې پیښه کې ګڼ شمیر کسان ټپیان شوي دي.

 برید کوونکو  د امبولانس سره یو د غیږې ماشوم  هم  لاندې کړی دی.

د ناروې دولتي تلویزیون ویلي دي چې  پولیسو  د امبولانس  ټیرونه  د ویشتو نه وروسته  امبولانس  درولی دی.

د برید کوونکو نه یو تن يي په تیښته بریالی شوی او بل يي نیول شوی دی.

پولیسو د پيښې په ځای کې پراخه امنیتي تدابیر نیولي دي.

د پیښې لامل  معلوم  ندی.