روسیې د ترکیې سره د جنګي الوتکې د جوړولو په برخه کې هر ډول همکارۍ ته چمتوالی وښود

د روسیې د فدرال تخنیکي او پوځي همکاریو  د ریاست رئیس دیمیتري شوګایف  وویل چې  روسیه  چمتو ته چې د ترکیې سره  د ملي او ځايي پنځم نسل  جنګي الوتکې  ټي اف – ایکس  په جوړولو کې مرسته او همکاري وکړي.

هغه  دا څرګندونې په مسکو کې  جوړ شوي د ماکس ۲۰۱۹ د هوايي او فضايي چارو په نړۍوال نندارتون کې وکړې.

هغه وویل چې  روسیه   د ترکیې سره  د ملي او ځايي جنګي الوتکې د جوړولو په برخه کې هر ډول مرستې ته چمتو ده .

هغه وویل چې  کولای شو چې ترکیې ته  د جنګي الوتکو ماشین او د  حرب الکترونیک تجهیزات  ورکړو.

هغه د ترکیې لخوا تولیدیدونکي  د پنځم نسل  جنګي الوتکې  ټي اف – ایکس  په اړه وویل « مونږ چمتو یو  چې ددې مسئلې په اړه د دفاعي صنایعو د همکاریو په برخه کې خبرې وکړو. لکه څرنګه چې  د ترکیې او روسیې مشرانو د دفاعي صنایعو په برخه کې د همکاریو د کچې د لا پراخولو غوښتنه وکړه  مونږ  ترکېې ته د پنځم نسل الوتکې د جوړولو په برخه کې مرسته ته چمتو یو.»

هغه  ددې پوښتنې په ځواب کې چې ایا ترکیې د روسیې  د سو ۳۵ او سو ۵۷ نوي نسل الوتکو  په اړه  لیوالتیا وښوده او که نه؟ داسې وویل ، انقرې  ددې الوتکو په اړه ډیره زیاته لیوالتیا وښوده  خو  پدې اړه  د کوم تړون په اړه څه ویل د وخت نه وړاندې خبره ده.

په رسمي توګه  تر اوسه پورې کوم وړاندیز  ندی  شوی. ددې مسئلې په اړه به د خپل ترک سیال  ښاغلي اسماعیل دیمیر سره  خبرې وکړو.