امریکا د سوریې په اړه د ترکیې سره د کړي تفاهم په اړه خوښي څرګنده کړه

د امریکا د بهرنیو چارو وزارت ویاندې  په خبري غونډه کې د مسئلې په اړه ارزونې وکړې.

ویاندې وویل «  په روانه اوونۍ کې  د ترکیې په پلازمینه انقره کې په ترسره شوو پوځي مذاکراتو کې  د سوریې په شمال کې  د ناټو په سازمان کې زمونږ  د نږدې متحد هیواد ترکیې د مشروع  امنیتي اندیښنو  رفع کوونکی  یو متداوم  امنیتي میکانیزم  د جوړولو په اړه د پام وړ پرمختګ  شوی دی. پدې چوکاټ کې به  د پلانونو  د لا ښه تطبیق په خاطر په ترکیه کې  د ترکیې او امریکا  ګډ د حرکاتو مرکز  جوړ شي.»

ویاندې وویل چې  امنیتي میکانیزم به پړاو په پړاو  جوړ کړی شي، امریکا په ډیره  لنډه موده کې پدې اړه  د لازم ګامونو اوچتولو ته  تیاري نیسي. د نوموړي بهیر سره به ترکیې سره مذاکراتو ته هم  دوام  ورکړو.

د ترکیې د ملي دفاع وزات ویلي دي چې د سوریې په شمال کې  د امریکا سره په هماهنګۍ کې د جوړیدونکې  امن سیمې  په اړه  د امریکا او ترکیې پوځي هیتانو د اګست د ۵ او ۷ مو نیټو ترمنځه  په ملي دفاع وزارت کې  مذاکرات سره کړل.

پدې لیدنه او مذاکراتو کې  دواړو خواوو  پریکړه وکړه چې د ترکیې د امنیتي اندیښنو د رفع کولو په خاطر  په لومړني پړاو کې  د نیول کیدونکو تدابیرو په اړه باید هر څه ژر لازم ګامونه اوچت کړی شي. همداشان  د امن د سیمې د جوړولو او پدې اړه د پلانونو د تطبیق په خاطر باید په ترکیې ګډ د حرکاتو مرکز جوړ کړی شي.

همداشان د ترکیې او امریکا  پوځي هیتانو پریکړه وکړه چې  په سوریه کې جوړیدونکې  د امن سیمه  باید د سولې دهلیز اوسي او دې سیمې ته د بې ځایه شوو سوري کډوالو د بیرته ستنولو  لپاره باید  اضافه امنیتي تدابیر ونیول شي.